Link to home pageLanguagesLink to all Bible versions on this site
17
Samaria i peu
Mai Israel ai gulau damona lamna Hoshea. Tauna i mae gulau au Israel madeḡa 9, wate Assyria ai gulau i paripariniḡaiei ma lamna aubaina i pani.

5-6  Assyria ai gulau Israel anatapuna i naeni, da i ḡeta da Samaria taon I mae-kwaviviroi, ma i gudu-tomeni da madeḡa tonuḡa i kwa. Maranai Hosea ana vigulau madeḡana 9 i ḡetai, Mai Assyria Samaria taon i ruini mai Israel i pupuna-naiei au Assyria. Ma au Halah, taon, waira Habor au ririvana ma mai Mede ai au taon nununai i verei da i raunuma.

7-8 Wei kovoḡai i nei mai Israel awari aubaina taui god ḡelaui i viviborumei. Taui ai ḡoa apoapoe i rata kauaBada ai God awarina, Wariaḡa Tauna Egypt ai gulau Pharaoh au urana Israel i vai-tawanei ma aiaii i ravena-opunei. Mai Israel ai God eteni i pupuna-opunei ai kaua i votaḡotaḡoi da i kaukauei ma kaua waduboi ḡelaui Israel ai gulagulaui i kaukauei. 9-10 Mai Israel kaua apoapoei i kaukauei Bada ai God awarina ma Bada wei kauai eḡa ita vinuaiaiei. Taui voepaepa gabui i voanaiei god morumorui voepaepaei aubaina au taon nununai, melagai aburuoina da au taon ḡaeḡaei. Ola muomuoi anatapui au tepai ma ai anatapui au ḡoui gana vinualaulaui i terenaei ma Asherah ana tuatua ma kokoitaui i vituramairini.

 
Bada mai Israel ai ḡoa apoapoe aubaina i viopuni

24 Assyria ai gulau taon nununai ravai mai Babilon, Cuthah, Awa, Hamath ma Sepharvaim i vivaneiai da Samaria, ana au taon nununai kampa i terei da i mae. Taui mai Israel numa i ruba-tawanei i raunumei. 25 Vouvounai wei ravai eḡa Bada ita viborumei, lamna aubaina lion ḡelaui i paritawaneiai da rava i viviraḡeni. 26 Ma rava Assyria ai gulau ana riwa i paritawanei i pa, “Rava au Samaria u terenaiei, dobuna Godna ana tarawatu eḡa ita aramanei. Lamna aubaina ma dobuna ana God, lion i paritawanei ma ravai e viviraḡeni.”

27 Ma mai Assyria ai gulau rava i egari, i pa, “Pirisi tagogi au Samaria o panipania, ona paritawana-melei ma, dobuna ana God, ana kaua ravai voui ina viararamani.” 28 Anina ma pirisi tagogi au naona i naenaei au Assyria i neiana-melei da au Bethel i mae. Kampa rava i viararamani da Bada viborumei.

29 Wate jentail ravai nununai ai god morumorui kokoitaui i kaukauei ma metauna au taona i mamae, kampa ola au tepai au naona mai Israel au Samaria ai voepaepa gabui i voavoailana, kampa i terenaiei.

 

<- 2 Kings - Gulagulau Viruaina 162 Kings - Gulagulau Viruaina 18 ->