1 Ma Ahab awana Jezebel i vibenabenamei, aiwai anatapuna Elijah i kaukauei ma menanarena Baal ana peroveta anatapui i vununaiei. 2 Ma Jezebel taupariverena i paritawanei Elijah awarina ma i pa, “Wenanarena marana au maratom, tau ana viraḡenim me au peroveta u viraḡenanei nanare. Mepa da wenanare eḡa ana kauei, a raraupari da god ina kovoḡa-kaueu bo ina viraḡeniu.”
3Elijah i rovo ma ana lawana aubaina i ruba. I nae au Beersheba au Judah, ma kampa ana taunola i voterei. 4[a]Ma tauna ainelana i nae aupom au mutulua, ma i ḡeta ai brum au ḡouna ma i kiala ma i raupari da ita iraḡe. I riwa i pa, “Bada, tau malau a vai-avei. Au lawana ma vaitawanei marina, tau irairaḡeu, me noinoiu.” 5 Ma i mae-ḡaera ai brum au karena ma i matave. Ma maratagogi Bada ana anela Elijah i vodadani ma i riwa, “Ma vomairi, ma am.” 6 I ʼnana viravira ma i matamatave lana au kolanei palawa apuapunana ma waira aniuma. I am ma i uma ma i matave me.
10Elijah i paribelei, “Oo Bada vivirewapana kaukauam, Tau mara nonoa tam a viborumem - tam ainelam. Mai Israel am parivainuaḡana bagibagina i viaigai, am pulo aniapuna i viairikarikai, ma am peroveta i viraḡena-pai, tau ainelau i votereu, ma marina i ḡoei da tau maiteni ina viraḡeniu!”
11Bada i riwa, “Ma opu au ola ma au naoi ma mairi.”
Ma Elijah kampa i maimairi ma labu ḡaeḡaena olana i ravi, da i gunevi, wate bada eḡa nai kojikojirana au orana. Ive au murina lolo, wate Bada eḡa nai lolona au orana.
14 I paribelei, “Oo Bada God, vivirewapana kaukauam, mara nonoa tam ainelam aubaim a vivilaraḡa. Wate Israel ravai am parivainuaḡana bagibagina i geduaiei, am pulo aniapuna i rikanaiei, ma am peroveta anatapui i viraḡeni. Tau ainelau a mamae. Ma marina i ḡoei da tau maiteni ina viraḡeniu.”
15Bada i riwa, “Meiei e nenei nanare ma nae me, ma ma‑rui au mutulua Damaskas, maranai u ḡeta au taon, Hasael ma buloi, mai Syria ai gulau; 16Nimshi natuna Jehu ma buloi Israel ai gulau, ma Shaphat natuna Elisha, ana taon Abel-Mehola ma buloi peroveta da am gabu ina vaia. 17 Aiavoi da Hasael i rovoei da e rubaruba, Jehu taui ina viraḡeni ma aiavoi da Jehu i rovoei da e rubaruba, Elisha taui ina viraḡeni!‡Bada ana rava ina kovoḡi ana parivainuaḡana bagibagina i gai aubaina.18 Wate mai Israel ai maḡa 7,000 eḡa melanai Baal ita raudunelei bo kokoitaui ita vigia-laḡolaḡonei, ina lawana!”
Bada Elisha i kwatuei
19 Ma Elijah i nae da Shaphat natuna Elisha i viaroni doa i uauatai, bulumakau 12 ruaruaḡei ava raḡiraḡitai aniuata i taitaini ma i uauata. [e]Elisha ana bulumakau, au murioina i nolanola. Elijah i ḡaira awarina ma ana kwama i votawanei ma Elisha i vioteni.[~6~]20Elisha bulumakau i votere-tawanei ma Elijah i rubei, ma i riwa, “Au naona ma votereu da ana nae amau ma alou ana inanai ma ana vigia-lagolagonei ma tana nae.”
Elijah i paribelei, “Anina ma nae wate aiwai a kauei awarim ma vinuanotenotei!”
21 Ma Elisha i nae da ana bulumakau ruaḡai i viraḡeni, pawe bulumakau au uai i viaigaigai da ai i viviri da sia i apui ma rava i verei da i am. Anina ma i opu da Elijah i votagotagoi.
bSinai wavana ḡelauna lamna Horeb Weka Bada i viatataiana-melei mai Israel awarii ma ana tarawatu i verei. (Exo 19:20)cMai Israel i vitumaḡana da eḡa aiai Bada ita inanai ma lawalawaina ita mae. (Exo 3:6)d Badaana rava ina kovoḡi ana parivainuaḡana bagibagina i gai aubaina.
e Mai Israel burumakauei ipa iramei e taitaini da e uauata.
~6~ Wei lamna mataira da Elisha Elijah ana gabu i vaia da peroveta.
