1 Peziletlik yolda mangghan kembeghel,

Hiyliger sözlük exmeqtin yaxshidur.[a]

2 Yene, gheyriti bar kishi bilimsiz bolsa bolmas;

Aldirangghu yoldin chiqar.□ «bolmas» — ibraniy tilida «yaxshi emes». «Aldirangghu yoldin chiqar» — ibraniy tilida «Ayaghlirini aldiratquchi kishi xata qedem basar».

3 Kishining exmeqliqi öz yolini astin-üstin qiliwéter;

Shundaq turuqluq u könglide Perwerdigardin renjip aghrinar.[c]

4 Bayliq dostni köp qilar;

Miskinler bar dostidinmu ayrilip qalar.[d]

5 Yalghan guwahliq qilghan jazalanmay qalmas;

Yalghan éytquchimu jazadin qutulalmas.□ «Yalghan éytquchi...» — ibraniy tilida «Yalghan (söz) püwligüchi....»  [f]

6 Tola adem séxiydin iltipat közler;

Sowghat bérip turghuchigha hemme kishi dosttur.□ «Tola adem séxiydin iltipat közler...» — yaki «Tola adem emirdin iltipat közler...».

7 Namratlashqandin qérindashlirimu zériker;

Uning dostliri téximu yiraq qachar;

Yalwurup qoghlisimu, ular tépilmas.[h]

8 Pem-parasetke érishküchi özige köyüner;

Nurni saqlighan kishining bexti bolar.

9 Yalghan guwahliq qilghan jazalanmay qalmas;

Yalghan éytquchimu halak bolar.□ «Yalghan éytquchi...» — ibraniy tilida «Yalghan (söz) püwligüchi...».

10 Heshemetlik turmush exmeqqe yarashmas;

Qulning emeldarlar üstidin höküm sürüshi téximu qamlashmas.[~10~]

11 Danishmenlik igisini asanliqche achchiqlanmaydighan qilar;

Xataliqni yoputup kechürüsh uning shöhritidur.

12 Padishahning ghezipi shirning huwlishigha oxshash dehshetlik bolar;

Uning shepqiti yumran ot-chöpke chüshken shebnemdek shérindur.[~11~]

13 Exmeq oghul atisi üchün bala-qazadur;

Urushqaq xotunning zarlashliri toxtimay témip chüshken tamche-tamche yéghin’gha oxshashtur.[~12~]

14 Öy bilen mal-mülük ata-bowilardin mirastur;

Biraq pem-parasetlik xotun Perwerdigarning iltipatidindur.[~13~]

15 Hurunluq kishini gheplet uyqugha gherq qilar;

Bikar telep acharchiliqning derdini tartar.[~14~]

16 Perwerdigarning emrige emel qilghan kishi öz jénini saqlar;

Öz yolliridin hézi bolmighan kishi öler.□ «Öz yolliridin hézi bolmighan kishi öler» — yaki «Uning (démek, Perwerdigarning) yollirini kemsitken kishi öler».  [~16~]

17 Kembeghellerge rehimdilliq qilghan,

Perwerdigargha qerz bergen bilen barawerdur;

Uning shepqitini Perwerdigar qayturar.

18 Perzentingning terbiyini qobul qilishigha ümidwar bolup,

Uni jazalap terbiye bérip turghin;

Lékin uni ölgüche xar bolsun dégüchi bolma.□ «Lékin uni ölgüche xar bolsun dégüchi bolma» — bashqa birxil terjimisi: «....biraq uning yigha-zarlirigha qulaq salma».  [~18~]

19 Qehrlik kishi jaza tartar;

Uni qutquzmaqchi bolsang, qayta-qayta qutquzushung kérek.

20 Nesihetni anglighin, terbiyeni qobul qilghin,

Undaq qilghanda kéyinki künliringde dana bolisen.

21 Kishining könglide nurghun niyetler bar;

Axirida peqet Perwerdigarning dalalet-hidayitidin chiqqan ish aqar.[~19~]

22 Kishining yéqimliqi uning méhir-muhebbitidindur;

Miskin bolush yalghanchiliqtin yaxshidur.

23 Perwerdigardin eyminish kishini hayatqa érishtürer;

U kishi xatirjem, toq yashap, bala-qaza chüshürülüshidin xaliy bolar.[~20~]

24 Hurun qolini sunup qachigha tiqqini bilen,

Ghizani aghzigha sélishqimu hurunluq qilar.[~21~]

25 Hakawurgha qilin’ghan tayaq jazasi saddigha qilin’ghan ibrettur;

Yorutulghan kishige bérilgen tenbih,

Uning bilimini téximu ziyade qilar.[~22~]

26 Atisining mélini bulighan,

Anisini öyidin heydep chiqarghan,

Reswaliq, iza-ahanet qaldurghuchi oghuldur.

27 I oghul, nesihetke quliqingni yupuruwalsang,

Eqilning telimliridin yiraqlashqiningdur.□ «I oghul, ... eqilning telimliridin yiraqlashqiningdur» — bashqa birxil terjimisi: «I oghlum, eqilning telimliridin yiraqlashturidighan sözlerni anglashtin özüngni tart!».

28 Peskesh guwahchi adaletni mazaq qilghuchidur;

Yaman ademning aghzi rezillikni yutar.□ «Peskesh guwahchi» — ibraniy tilida: «Bélialning (Iblisning) guwahchisi».

29 Hakawurlar üchün jazalar teyyardur,

Exmeqlerning dümbisige uridighan qamcha teyyardur.□ «Hakawurlar» — yaki «Mesxire qilghuchilar».