1 Köpchiliktin ayrilip yalghuz yürgen kishi haman öz nepsige chogh tartar;

Herqandaq chin hékmetke haman jan-jehli bilen qarshi chiqar.

2 Exmeq yorutulushqa qiziqmas;

Qiziqidighini peqet öz oylighanlirini körsitishla, xalas.

3 Yaman kishi kelse, nepretmu peyda bolar;

Nomussiz ish iza-ahanettin ayrilmas.□ «nepretmu peyda bolar» — yaki «peslikmu peyda bolar».

4 Ademning sözliri chongqur sulargha oxshar;

Danaliq buliqi ériq süyidek örkeshlep aqar.

5 Yaman’gha yan bésishqa,

Soraqta heqqaniygha uwal qilishqa qet’iy bolmas.□ «qet’iy bolmas» — ibraniy tilida «yaxshi emes».  [c]

6 Exmeqning lewliri uni jédelge bashlar;

Uning aghzi «Méni dumbala» dep teklip qilar.

7 Exmeqning aghzi öz béshigha halakettur;

Uning lewliri öz jénigha qapqandur.[d]

8 Gheywetxorning sözliri herxil nazunémetlerdek,

Kishining qelbige chongqur singdürüler.□ «Kishining qelbige...» — ibraniy tilida «Qorsiqining ichki yerlirige...».  [f]

9 Ishida hurun bolghan kishimu,

Buzghunchi bilen ülpetdash bolidu.□ «kishimu...» — ...mu — démek, hurun adem gheywǝthorƣa oxshash buzghunchidur.

10 Perwerdigarning nami mezmut munardur;

Heqqaniylar uning ichige yügürüp kirip yuqirida aman bolar.[~8~]

11 Bay adem mal-dunyasini «mustehkem shehirim» dep biler;

Neziride özini saqlaydighan égiz sépildek turar. [~9~]

12 Bitchit bolushtin awwal, köngülge tekebburluq kéler;

Awwal kemterlik bolsa, andin shöhret kéler.[~10~]

13 Sözni anglimay turup, aldirap jawab bergen,

Exmeqliqini körsitip özini xijalette qaldurur.

14 Tendiki aghriq azabigha ademning öz rohi berdashliq bergüzer;

Biraq rohi sun’ghan bolsa uni kim kötürer?

15 Yorutulghanning qelbi bilimge érishmekte,

Aqilanining qulaqliri bilimni izdimekte.

16 Sowghat öz igisige ishikni daghdam échip bérer;

Uni chong erbablar aldigha yetküzer.

17 Dewa qilghanda, awwal sözligüchining sözliri orunluq körüner;

Lékin qarshi terep soal qoyup ishni sürüshtürer.[~11~]

18 Chek tashlash jédellerni tügiter;

Ghojilarning arisidiki ishnimu hel qilar.

19 Renjigen qérindashning könglini élish mustehkem sheherni élishtinmu tes;

Jédel-majira qorghanning taqaq-baldaqlirigha oxshashtur.

20 Adem durus sözligenlikidin qorsiqi toq bolar;

Öz könglidin chiqqan sözliridin mol hosul alar.□ «Adem durus sözligenlikidin .. mol hosul alar» — ayet ibraniy tilida «Aghzining méwisidin ademning qorsiqi toq bolar; lewlirining hosulidin qanaetliner» dégen sözler bilen bildürülidu.  [~13~]

21 Hayat-mamat tilning ilkididur;

Kimki uning tesirini etiwarlisa uning méwisidin yer.□ «Kimki uning tesirini etiwarlisa uning méwisidin yer» — yaki «Kimki öz sözlirige amraq bolsa, shu uning méwisini yer».  [~15~]

22 Xotunni tallap alghan kishi yaxshiliq tapidu,

U Perwerdigarning merhimitige érishken bolidu.[~16~]

23 Miskinler pes awazda yélinip sözler;

Bay bolsa qopalliq bilen jawab bérer.

24 Dostni köp tutqan kishi xarab bolar;

Lékin qérindashtinmu yéqin baghlan’ghan bir dost bardur.[~17~]