1 داۋۇت غاردا يوشۇرۇنۇپ تۇرغان ۋاقىتتا يازغان «ماسقىل»: ــ

مەن پەرۋەردىگارغا ئاۋازىمنى ئاڭلىتىپ نالە-پەرياد كۆتۈرىمەن؛

پەرۋەردىگارغا ئاۋازىم بىلەن يېلىنىمەن؛□ «داۋۇت غاردا يوشۇرۇنۇپ تۇرغان ۋاقىتتا يازغان «ماسقىل»: ــ....» ــ داۋۇت پەيغەمبەر سائۇل پادىشاھتىن قېچىپ، ئىككى قېتىم غاردا يوشۇرۇنغان ۋاقتىدىكى ۋەقەلەر «تەۋرات، «1سام.» 22- ھەم 24-بابتا يېزلىغان.

2 ئۇنىڭ ئالدىدا داد-زارلىرىمنى تۆكىمەن؛

ئۇنىڭغا ئاۋارىچىلىكىمنى ئېيتىمەن.

3 روھىم ئىچىمدە تۈگىشەي دەپ قالغاندا،

شۇ چاغدا باسقان يولۇمنى بىلگەنسەن؛

مەن ماڭغان يولدا ئۇلار ماڭا قىلتاق سالدى.[~2~]

4 ئوڭ يېنىمغا قاراپ باققايسەن؛

ئەتراپىمدا مېنى تونۇيدىغان ئادەم يوقتۇر؛

پاناھگاھ يوقاپ كەتتى؛

ھېچ ئادەم جېنىمغا كۆيۈنمەيدۇ.

5 مەن ساڭا پەرياد كۆتۈردۈم، ئى پەرۋەردىگار؛

ساڭا: «سەن مېنىڭ باشپاناھىمسەن،

تىرىكلەرنىڭ زېمىنىدا بولغان نېسىۋەمدۇرسەن» ــ دېدىم.[~3~]

6 مېنىڭ پەريادىمغا قۇلاق سالغايسەن؛

چۈنكى مەن ئىنتايىن خاراب ئەھۋالغا چۈشۈرۈلدۇم؛

مېنى قوغلىغۇچىلىرىمدىن قۇتۇلدۇرغايسەن؛

چۈنكى ئۇلار مەندىن كۈچلۈكتۇر.[~4~]

7 سېنىڭ نامىڭنى تەبرىكلىشىم ئۈچۈن،

جېنىمنى تۈرمىدىن چىقارغايسەن؛

ھەققانىيلار ئەتراپىمدا ئولىشىدۇ؛

چۈنكى سەن ماڭا زور مېھرىبانلىق كۆرسىتىسەن.