150
Mbeb tisob tipait Maaron
1 Aleluia, tapait Yoova!
Apait Maaron ila rumai toni patabuaŋ lolo!
Apaiti ila ina ariaŋa to sambam we!
2 Apaiti pa uraat ariaŋadi to ye ighamgham di.
Apaiti pasa, ye iza tiina ilib pa mbeb tisob.
3 Avib tavuur ve apaiti.
Apambar ambam ve arab gita, ve apaiti.
4 Atok kakaap ve ator, ve apaiti.
Avib sab ve arab kulele, ve apaiti.
5 Aŋgal ŋgiraam, ve apaiti.
Ve ighaze aŋgali, ghoro aŋgali tapirimim, leso avolutu tiina!
6 Yam mbeb to aneep matamim iyaryaar, asob apait Yoova!