100
Lolood poia pa Maaron ve tapaiti
Mbouŋ to tapait Maaron pa poia toni
1 Yam tamtoghon to aneep irau taan isob, tinimim iza pa Yoova, ve alool ve apaiti.
2 Lolomim poia ve ambesmbees pani.
Anim alup gham ila nagho, ve ambou pani.
3 Lolomim imaagh pa Yoova malep. Aghilaala aghaze: Ye moghon to Maaron tau.
Ye to ighur ghiit, ve iit tamtoghon toni.
Iit sipsip toni. Tauto mata pait, ve iŋginŋgin ghiit.
4 Lolomim poia pani, ve ataghon ataam to Rumai Tiina, ve alooŋ ala.
Apaiti ve alooŋ ala sirsiir toni lolo.
Lolomim poia pani, ve apait iza pa poia toni.
5 Pasa, Yoova ŋgar toni, nene poia moghon.
Lolo ineep tuŋia ila to tamtoghon toni, ve iuluul di irau sawa isob.
Pale itaghon saveeŋ mbuaaŋ toni, itaghoni taghoni gha ila.
<- Mbouŋ to Yes Israela 99Mbouŋ to Yes Israela 101 ->