1 जमाहेन्से च्यागो, ङाइ स्वर्गरी म्राप गिक ठोङ्बा म्राङ्जी। ङाइ ङाच्छा थेःबा बिगुलला ह्रङ्बान काइग्याम ङादा चुह्रङ् सुङ्बान लबा ङाइ थेःजी। “ए तोर खउ, दाहेन्से तसेला तामगदे ङाइ एदा उन्ना।” 2 जमाहेन्से ङा तिक्खुरीन परमेश्वरला आत्मासे प्लिङ्जी। ओच्छे स्वर्गरी म्हि गिक धन्छ्याबान लबा ठि गिक म्राङ्जी।[a] 3 थेला स्य्हाल चा झक्झक्बा मणि ह्रङ्बान जेबा मुबा ओच्छे ठिला क्यारक्युर चा झक्झक्बा रत्न ह्रङ्बान लरक्युङ मुबा। 4 थे ठिला क्यारक्युर बोगल गिकसे गोर ब्लि अर्गु ठिगदे मुबा। थेनोन ठिगदेरी बोगल गिकसे ब्लि गन्बागदे चिबा मुबा। थेनीगदेसे तार क्वान क्वान्बादेन थोबोरी म्हरला मुकुट कूबा मुबा। 5 थे ठिग्याम तिप्लीङ ह्रङ् लसी मे थोन्बादेन गडङगुडुङ मु ठेङ्बा ह्रङ्बा काइ खमुबा। ओच्छे थे ठिला ङाच्छापट्टि गोर निस मेदङ लुङ्बा मुबा। थे मेदङ चा परमेश्वरला आत्मा निस हिन्ना।[b] 6 थे ठिला ङाच्छापट्टि प्रस्टन म्राङ्बा ऐना ह्रङ्बान समुन्द्र मुबा।[~3~]
9 थे छोन्बो जन्तुगदेसे जुकजुकधोनान सोसी चिबा मुल ठिरी धन्छ्याबादा जयजयकारदेन धन्यवाद पिन्सी मान लमुबा। 10 जमाहेन्से थे बोगल गिकसे गोर ब्लि गन्बागदेसे ठिरी धन्छ्याबा सदन सोसी चिबादा फ्या लजी। ओच्छे थेनीगदेसे ह्राङ ह्राङला मुकुट ठिला ङाच्छापट्टि थान्सी चुह्रङ् भिसी व्हाइ गोजी,
*4:2 इज १:२६-२८; १०:१
*4:5 प्रस्था १९:१६; उन्बा १:४; ८:५; ११:१९; १६:१८; इज १:१३; जक ४:२
*4:6 इज १:२२, ५-१०; १०:१४
~4~ चु जन्तु चा जम्बुलिङला जन्तु ह्रङ्बा आहिन। तर परमेश्वरसे यूहन्नादा तिगै ताम उन्बा धुइरी म्राङ्बा ताम पाङ्बा जन्तु हिन्ना। ~5~ चुरी ‘चोखो’ भिबा चा तिगै दोष आरेबादेन जम्मान भन्दा घ्रेन ओच्छे थे भन्दा स्य्हान्दो खालै आरे। थेतबासेलमा जम्मासेन थेदा तेन्तोःला।*4:8 इज १:१८; १०:१२; यशै ६:२-३