عَلَ شَ مَسٍنيِ عَننَبِ نَشُمُ بّ
مَسٍنيِ ندٍ يِ كِتَابُي شَ قٍ رَ
عَسِرِيَ شَ مَنفّيَ نُ بَرَ سّنبّ سْتْ حّ كّمّ سٌلٌمَسَشَن بٍينُ عَننَبِ عِسَ شَ بَرِ عِسِرَيِلَ بْشِ مَ تّمُي نَشّ. نَ وَشَتِ حَمَنّ بِرِن نُ نَ عَ شَ يَامَرِ شْرْشْي بُن مَ. نِنٍوٍ نُ قِندِشِ عَ شَ مَنفَتَا نَن نَ. عَسِرِيَكَيٍ مُ نُ بِرَ مَ عَلَتَلَ شَ سّرِيّ قْشْ رَ قٍقٍ مَ.
نَ كُي عَننَبِ نَشُمُ عِسِرَيِلَكَ نَشَ يِ مَسٍنيِ تِ عٍ شَ قٍ رَ. مَسٍنيِ نَ عَ رَ نَشَن شْرْشْ، بَرِ مَ عٍ شَ قٍ مُ نُ رَقَنشِ عَلَ مَ. عَننَبِ نَشُمُ تٌ فّ عَلَ شَ سّنبّ مَفَاشُشِ مَسٍندٍ عَسِرِيَكَيٍ بّ، عَ نَشَ عَ قَلَ عٍ بّ عٍ قَمَ فبَلٌي حَاشِ سْتْدٍ عٍ شَ يُنُبِيٍ شَ قٍ رَ. نَ كِيتِ نُ قَتَنشِ عَلَ نَن نَ. عَلَ نَشَ بَبِلْنكَيٍ شّي نِنٍوٍ كَنَدٍ حّ كّمّ سٍننِ بٍينُ عَننَبِ عِسَ شَ وَشَتِ.
نَ مَسٍنيِ نُ شْرْشْ عَسِرِيَكَيٍ بّ، كْنْ عَ نُ قِندِشِ قٍ قَنيِ نَن نَ عِسِرَيِلَكَيٍ بّ، نَشٍيٍ نُ تْورْ مَ عٍ يَشُييٍ شَ يَامَرِ بُن مَ. عَننَبِ نَشُمُ نَشَ عَ مَسٍن عٍ بّ عَ يُنُبِتْييٍ قَمَ عٍ شَ كٌبِحَ سَرٍ سْتْدٍ عَلَتَلَ يِ رَ. عَلَ شَ كِيتِ شْرْشْي عَسِرِيَكَيٍ بّ، عَ نُ لِمَنِيَ قِمَ عِسِرَيِلَكَيٍ مَ.
هَلِ تٌ، عَلَ شَ حَمَ نْمَ سّيوَدٍ نَ شَ قٍ رَ. عٍ شَ عَ كٌلٌن عَلَتَلَ قَمَ مِشِ حَاشِيٍ مَكِيتِدٍ، عَ قَ عٍ سَرٍ رَفبِلٍن عٍ مَ. وٌن بِرِن عَ كٌلٌن تِنشِنيِ قَن، كْنْ عَ نْمَ لُدٍ وٌن بّ عَلْ تِنشِنتَرٍيَ نَ سْونّيَقٍ يِ دُنِحَ كُي، بَرِ مَ قٍ حَاشِ فبٌ، تِنشِنتْييٍ قَن نَ تْورْقٍ. يِ كِتَابُي عَ مَسٍنمَ وٌن بّ تِنشِنتَرٍ مُ فٍينِمَ، عَلَتَلَ شَ تِنشِنيِ نَن مِشِ فٍينِمَ دُنِحَ بّندّ قُحِ قَرِ نُن عَلِفِيَمَ. عَلَ شَ مِشِ بِرِن مَكِيتِ عَ شَ سّرِيّ رَ. عَمِنَ.
عَلَ شَ مَسٍنيِ عَننَبِ نَشُمُ بّ

عَلَ شَ شْنّ نِنٍوٍ شِلِ مَ

1 مَسٍنيِ شْرْشْي نَن يَ نِنٍوٍ شَ قٍ رَ، عَلَ نَشَن مَسٍن عَننَبِ نَشُمُ عٍلٍكٌسِكَ بّ.

عَلَتَلَ مَفَاشُ، عَ فبٍحْشْقٍ مُ كَنَمَ.

2 عَلَتَلَ عَ فبٍحْشْمَ نّ،

عَ شَ شْنّ سّنبّ فبٌ عَ يَشُييٍ مَبِرِ،

عَ مُ دِحّمَ عٍ مَ مَقُرٍن مَقُرٍن.

3 كْنْ عَلَتَلَ مُ شْنْمَ مَقُرٍن مَقُرٍن،

عَ سّنبّ فبٌ هَن.

عَلَتَلَ مِشِ حَاشِ سَرٍ رَفبِلٍنمَ نّ قٍ حَاشِ رَبَيٍ مَ.

عَ شَ حّرّ لُمَ نّ عَلْ تُرُننَادّ نَشَن شُبٍ رَتٍمَ،

عَ تِشِ نُشُييٍ قَرِ.

4 عَ نَ شَاحّ بَا مَ، عَ شْرِ مَ نّ،

عَ شُرٍ بِرِن نَشَرَ،

عَ بَسَن نُن كَرٍ مٍلٍ قِندِ فبٍنفبٍرٍنيِ رَ،

عَ لِبَن سَنسِيٍ لِسِمَ نّ.

5 عَ فٍيَيٍ رَ سّرّنمَ نّ، عٍ شُنُ عَلْ كُمِ تُرٍ.

بْشِ سّرّنمَ نّ عَ يَ عِ،

دُنِحَ مِشِيٍ بْحّ مِنِمَ نّ.

6 ندٍ نْمَ تِدٍ عَ شَ شْنّ يَ رَ؟

ندٍ نْمَ تِدٍ عَ شَ بْحّتٍ يَ عِ؟

عَ شَ شْنّ لُمَ نّ عَلْ تّ، نَشَن فّمّيٍ بُلَمَ.

7 عَلَتَلَ قَن، عَ كَنتَرِ قِمَ نّ تْورْ مِشِيٍ مَ،

عَ مّينِمَ نّ مِشِيٍ مَ نَشٍيٍ عٍ يّتّ تَشُمَ عَ رَ.

8 كْنْ عَ نِنٍوٍ شُن نَكَنَمَ نّ،

عَ عَ يَشُييٍ كٍرِ مَ دِ مِ نَن كُي.

9 نِنٍوٍ، وٌ قّيرّ مُندُن قٍنقٍ عَلَتَلَ شِلِ مَ؟

عَ تَن نَن سْنتْي تِمَ كٍرٍنيِ رَ.

10 عٍ قَمَ نّ لُدٍ عَلْ عٍ كَنكَنشِ تُنبٍ كُنسِيٍ نَن نَ،

عَلْ عٍ سِيسِشِ بٍيرٍ نَن نَ،

عَلْ سّشّ شَرَشِ نَشَن فَنشِ قٍوٌ.

11 نِنٍوٍكَ ندٍ بَرَ قٍ حَاشِ رَبَ عَلَتَلَ رَ،

عَ مِشِيٍ رَ سِشِ قٍ كٌبِ نَن مَ.

12 عَلَ شَ مَسٍنيِ نَن يَ عٍ شَ قٍ رَ؛

«هَلِ وٌ يَشُييٍ وُيَ، عٍ شُن قَمَ نّ رَكَنَدٍ، عٍ حْن.

ﭑ بَرَ وٌ تَن يُدَيَكَيٍ تْورْ،

كْنْ ﭑ مُ نَ رَبَمَ سْنْن.

13 يَكْسِ ﭑ وٌ بَمَ نّ وٌ يَشُييٍ شَ نْي بُن مَ،

ﭑ لُوتِيٍ بٌلٌن وٌ شِرِشِ نَشٍيٍ رَ.»

14 عَلَتَلَ شَ مَسٍنيِ نَن يَ وٌ تَن نِنٍوٍكَيٍ شَ قٍ رَ؛

«وٌ بْنسْي قَمَ نّ حْندٍ.

ﭑ وٌ شَ كُيٍ مَسٌلِشِيٍ نُن وٌ شَ كُيٍ نَشٍيٍ يَءِلَنشِ وُرٍ رَ،

نَشٍيٍ نَ وٌ شَ عَلَيٍ شَ بَنشِيٍ كُي،

ﭑ نٍيٍ بِرِن كَنَمَ نّ.

ﭑ وٌ سْنتْمَ نّ، بَرِ مَ وٌ حَاشُ.»