20
Ala xa mangɛ mali
Ala maxandi
1 Dawuda xa bɛɛti bɛɛtibae xa mangɛ bɛ
2 Alatala xa i yaabi i xa tɔɔrɛ kui.
Yaxuba Marigi Ala xa i ratanga.
3 Ala xa i mali kelife a xa yire sɛniyɛnxi,
a xa i mali kelife Siyon geya fari.
4 Ala xa i xa sɛrɛxɛ birin suxu,
a xa ɲɛlɛxin i xa sɛrɛxɛ gan daaxie ra.
Ɲɛngi rate.
5 Ala xa i waxɔnfe fi i ma,
a xa i xa wali sɔɔnɛya i bɛ.
6 Won won xui itema ɲɛlɛxinyi kui.
Won won ma tɔnxuma itema won Marigi Ala xili ra.
Alatala xa i xa maxandi birin nasuxu.
7 N a kolon a Alatala a xa mixi sugandixi rakisima nɛ.
A a yaabima nɛ a sɛnbɛ ra kelife ra a xa yire sɛniyɛnxi.
8 Nde lama a xa sɔɔri ragise ra,
nde lama a xa soee ra,
kɔnɔ won tan laxi won Marigi Alatala xili nan na.
9 Soee tan birama nɛ,
kɔnɔ won tan tixi tun.
10 Alatala xa mangɛ rakisi,