1 Kana vaćarda o Isus sa kava angle manuša, đelo ano foro o Kafarnaum. 2 Jekhe rimskone kapetano[~1~] sasa jekh sluga savo sasa nasvalo dži o meripe, save vov but manglja. 3 Thaj kana o kapetano šunda e Isusese,[~2~] bičhalda leste e phurederen e Jevrejenđe[~3~] te molin le te avol te sastarol lese sluga. 4 Von avile ko Isus thaj but molisade le vaćarindoj: “Trubul gova te ćere lese, 5 golese kaj manđol amare manušen thaj vov pestar ćerda amenđe sinagoga.”
6 Thaj o Isus đelo lencar. Thaj kana avile pašo čher, bičhalda o kapetano pe amalen te vaćaren lese: “Gospode! Ma čhuv tuće gova pharipe golesa so ka de an mo čher, golese so me naj sem dostojno te ave tali mi streja.[~4~] 7 Golese ni mangljem te avav angle tute kaj naj sem dostojno. Vaćar jekh lafi gothar thaj sigate ka sastol mo manglo sluga. 8 Golese kaj sem i me manuš tale nekaso autoritet thaj isi man tale mande vojnikura, pa vaćarav jekhese: ‘Dža’ thaj vov džal. Vaćarav dujtonese: ‘Av’ thaj vov avol. Vaćarav me mingre slugase: ‘Čher’, thaj ćerol gova.”[~5~]
9 Thaj kana šunda gova o Isus, čudisajlo thaj irisajlo e manušenđe save đele pale leste thaj vaćarda lenđe: “Vaćarav tumenđe, vadži ni arakhljem Jevreje ano Izrael kas isi gaći pačajipe.”[~6~] 10 Thaj kana irisajle čhere okola so sesa bičhalde, arakhlje e nasvale sluga saste.
11 Na but pale gova, o Isus đelo ano foro savo akhardola Nain,[~7~] thaj đele lesa lese sikade thaj pherdo manuša. 12 Kana avile pašo vudar e foroso thaj dikh, nesave terne čhave ikalde mule, jekhore čhave ani dej, savako rom mulo. Pherdo manuša andaro foro džana lasa te prahon e čhave. 13 Kana dikhlja la o Gospod, pelo lese žal laće thaj vaćarda: “Ma rov!” 14 Avilo paše, dolda pe po than kaj sasa pašljardo o mulo čhavo thaj e manuša save inđarena le ačhile. Thaj o Isus vaćarda: “Čhaveja! Tuće vaćarav, ‘Ušti!’ ” 15 O mulo čhavo džuvdilo em bešlo thaj lija te vaćarol thaj o Isus dija le lese daće.
16 Savore darajle thaj hvalisade e Devle. Vaćarde: “Baro proroko si maškar amende” thaj: “O Dol avilo te pomognil pire manušenđe.”[~8~] 17 Kava šundilo taro Isus ani sa i Judeja thaj ane pašutne thana.
18 E Jovanese,[~9~] lese sikade vaćarde sa so o Isus ćerda. Thaj akharda o Jovane pire dujen sikaden 19 thaj bičhalda len ko Gospod te pučen le vaćarindoj: “Tu li san gova save obećisada o Dol kaj trubul te avol, il te ađućara avere?”[~10~]
20 Thaj avile ko Isus gola duj manuša thaj phende lese: “O Jovane o Krstitelj bičhalda amen tute te puča tut: ‘Tu li san gova save obećisada o Dol kaj trubul te avol, il te ađućara avere?’ ”
21 A ane gova sato o Isus sastarda buten taro lengo nasvalipe, tare lengo pharipe thaj tare bilačhe duxura thaj bute koren dija dičhipe. 22 Thaj o Isus phenda e Jovanese sikadenđe: “Džan thaj vaćaren e Jovanese so dikhljen thaj so šunden: e kore dičhen, e banđe phiren, e gubava thodon, e kašuće šunen, e mule ušten thaj okolenđe save si ani potreba vaćarol pe o Lačho Lafi. [~11~] 23 Thaj vaćaren lese i kava: ‘O Dol blagoslovil okole savo naj sablaznimo zbog mande!’ ”
24 Thaj kana đele e sikade e Jovanese, o Isus lija te vaćarol taro Jovane e manušenđe: “So ikliljen te dičhen ki pustinja? I trska, savi banđol ki balval? Na! 25 Il so ikliljen te dičhen? Manuše ane barvale fostanura urade? Na! Gasave manuša phiraven barvale fostanura thaj ano šukaripe bešen ane carska palate. 26 So ikliljen te dičhen? Proroko? Va, me phenav tumenđe vov si po but taro proroko. 27 Golese so si o Jovane manuš kastar o Dol vaćarda ane piro Sveto lil:
29 Sa e manuša so šunde e Isuse, pa i nesave carincura, pindžarde kaj si e Devleso sikajipe šukar thaj krstisajle e Jovanese krstimasa. 30 A e fariseja thaj e učitelja tare Mojsijaso zakono čhudije o plan e Devleso savo sasa lenđe. Thaj von ni manglje o Jovane te krstil len.
31 A o Isus vaćarda: “Kasa te uporediv kale manušen save si akana džuvde? Thaj so te vaćarav lendar? 32 Von si sar manuša[~13~] save bešen ko drom thaj akharen jekh avere thaj vaćaren:
36 Jekh fariseji kaso alav sasa Simon dija vika e Isuse te xal mangro ke leste thaj vov đelo ano čher e farisejeso thaj čhuta pe pašo astali.[~16~] 37 Thaj dikh, sasa i džuvli ando foro savaće džanglja pe kaj si grešnica, šunda kaj si o Isus pašo astali ano čher e farisejeso, i avili andre. Anda kučalo miris ko čaro savo sasa taro mramorno bar. 38 Rojindoj, peli ke pe koča paše lese pingre. Laće asva pele pe lese pingre thaj lija te thovol len pe jasvencar thaj pe balencar koslja len thaj čumidija lese pingre thaj makhlja len e mirisesa.
39 A kana dikhlja o fariseji savo akharda le, vaćarda ane peste: “Te avol proroko, bi džanola ko si kaja džuvli savi dolol le[~17~] golese kaj si grešnica!”
40 O Isus phenda lese: “Simone! Isi man khanči te vaćarav tuće.”
41 O Isus vaćarda: “Duj džene sesa dužna jekhe manušese. Jekh sasa dužno panšel srebrenjakura[~18~] a o dujto pinda. 42 Thaj kana len naj sasa te irin, o manuš ni manglja palal o dugo lendar. Vaćar tare kala duj savo ka manđol le po but?”
43 A o Simon vaćarda lese: “Pa bi phenava kolese kas sasa po baro dugo.” A o Isus vaćarda lese: “Gija si, šukar vaćardan.”
44 Thaj irisajlo premali džuvli em vaćarda e Simonese: “Dičhe li kala džuvlja! Me aviljem ane ćo čher, paj ni andan me pingrenđe,[~19~] a voj pe jasvencar thoda len, a pe balencar koslja len. 45 Ni čumidipe ni dijan man, a voj sar aviljem ni ačhili te čumidol me pingre.[~20~] 46 Uljesa ni makhljan mo šoro, a voj mirisesa makhlja me pingre. [~21~] 47 Golese vaćarav tuće: ‘Baro manglipe sikada manđe, golese so si laće oprostime but bare grehura. Al kase zala oprostime, sikavol zala manglipe.’ ” 48 A laće vaćarda: “Oprostime si ćire grehura.”
49 Thaj ane peste lije te vaćaren kola so si lesa pašo astali: “Savo si kava so e grehura šaj oprostil?”
50 A e džuvljaće vaćarda: “Ćo pačajipe spasisada tut. Dža ano mir.”
<- Luka 6Luka 8 ->*7,2 kapetano manuš savo komanduil pe šel vojnikura
†7,3 O kapetano (o šoralo e šelengo) šunda so o Isus sastarda bute manušen, thaj kaj si vov paše, kaj irisajlo ano Kafarnaum.
‡7,3 O Isus si Jevrejo a o kapetano naj, pa o kapetano dija pe gođi kaj o Isus ka šunol len te molisade le e Jevreja. But droma e rimska vojnikura sesa dušmanura e Jevrejenđe.
§7,6 E Jevreja ne bi džana andre ano čher savo naj jevrejsko te ma bi avena duxovno melale.
*7,8 Sar o kapetano so isi le autoritet te phenol e vojnikurenđe, o Isus isi le autoritet te phenol e nasvalimase te načhol.
†7,9 O Isus očekujisada e Jevreja te avol len gasavo pačajipe, al naj sasa len. Vov ni očekujisada te avol e abandžijen gasavo pačajipe, al palem, kale manuše sasa.
‡7,11 Kava si pašo than kaj o proroko o Jelisije vazdija tare mule e jekhore čhave angleder but šel berša (dikh 2. Car 4,8–37).
§7,16 E manuša verovatno dije gođi kaj o Isus sasa baro proroko sar o Ilija il o Jelisije, golese kaj samo von vazdije ani Purano Savez nekas tare mule (1. Car 17,17–24; 2. Car 4,18–37).
*7,18 O Jovane o Krstitelj sasa ano phanglipe.
†7,19 E Jevreja očekujisade o Mesija te avol thaj te avol caro savo ka spasilen len taro rimsko vlast. Ni ađućarde te avol samo Spasitelj ano duxo. O Jovane pindžarda e proročanstvura taro Mesija sar so si o Is 42,7; 61,1–2 (dikh gija Lk 4,18–19). Gija ađućarda te avol o Isus caro, thaj e Jovane thaj averen pravednonen manušen ikalola taro phanglipe, thaj te sudil te kaznil e manušen save ni manglje e Mesija (dikh e Jovaneso vaćaripe ano Lk 3; 9; 16–17), al tare gova vadži khanči ni ćerdilo.
‡7,22 Kava so ćerda o Isus sikadol kaj si vov o Mesija, sar so an po Lil o proroko Isaija pisisada (Is 29,18–19; 35,5–6; 61,1–2).
§7,28 Ano original ačhol: “maškare bijande tare džuvlja” si metafora “tare sa e manuša save sesa džuvde”.
*7,32 manuša Ano original ačhol “čhavore”.
†7,32 Bašaldam … vesela đilja Ano original “Bašaldam … flauta”.
‡7,35 O Isus kala izrekasa manglja te phenol kaj e manuša trubuje te prihvatin e Isuse em e Jovane.
§7,36 Sasa običaj kana e murša džana ke gasave večere, dok xana bešenasa pašljindoj pašo astali.
*7,39 dolol le O Simon mislisada i džuvli te dolda e Isuse, o Isus ka avol andral melalo. Golese mislisada da o Isus naj proroko.
†7,41 srebrenjakura Jekh srebrno para poćinola pe jekh dnevnica.
‡7,44 E čherutneso adeti sasa te anol paj thaj kotor kosimase paše pire gostura te šaj thoven thaj te šučaren pire pingre palo phiripe pe melale droma.
§7,45 I džuvli čumidija e Isusese pingre mesto lese čhama te bi sikavola piro čačukano pokajipe thaj po poniznost.
*7,46 Kava sasa adeti kana ađućarol pe e gosto. I džuvli but počastisada golesa so ćerda e Isusese. Voj sikada po baro poniznost gija so makhlja lese pingre mesto leso šoro. O Isus vadži sikavola i razlika maškare Simoneso ađućaripe e gosto thaj goja džuvli so ćerda.