1 Paše sasa e barе đivesa tare bikvasacoso mangro savo akhardol Pasha. 2 Thaj e šorutne sveštenikura thaj e učitelja tare Mojsijaso zakono vaćarde maškar peste sar te mudaren e Isuse, al darajle e manuša te na bunin pe.
3 Tegani o Satana dija ano Juda Iskariotsko, savo sasa jekh tare dešuduj apostolura. 4 Đelo thaj vaćarda e šorutne sveštenikurencar thaj e hramese zapovednikurencar sar ka izdajil e Isuse. 5 Thaj von radujisajle thaj vaćarde e Judase kaj ka poćinen lese gova. 6 Thaj o Juda dija po lafi. Thaj vov rodija šukar vreme te predol e Isuse dok ni sesa gothe but manuša.
7 Thaj avilo o angluno đive e bikvasacose mangrengo, ke savo trubuja te čhinol pe o pashalno bakroro, 8 o Isus vaćarda e Petrese thaj e Jovanese: “Džan thaj ćeren amenđe Pasha te šaj te xa.”
9 A von pučlje le: “Kaj manđe te ćera la?”
10 A o Isus vaćarda: “Kana ka den ano foro, ka aračhen manuše savo inđarol ano khoro paj. Džan pale leste ane savo čher vov džal, 11 thaj pučen gole čherutne: ‘O učitelji pučol an savi soba šaj xal i Pasha pe sikadencar?’ 12 Thaj vov ka sikavol tumenđe bari upruni soba savi si postavimi. Gothe ćeren i Pasha.” 13 Thaj o Jovane thaj o Petar đele ano foro i arakhlje sar so vaćarda lenđe o Isus thaj gothe ćerde i Pasha.
14 Thaj kana avilo o sato, o Isus bešlo ki sinija, pe dešudujen apostolurencar. 15 Thaj vaćarda lenđe: “But mangljem te xav kaja Pasha tumencar angleder so ka avav mudardo. 16 Golese vaćarav tumenđe kaj od akana ni ka xav i Pasha dok ni pherdol ano Carstvo e Devleso.”[~1~]
17 Thaj lija o tahtaj e moljasa thaj dija hvala e Devlese thaj vaćarda: “Len thaj ulaven la maškare tumende. 18 Vaćarav tumenđe, od akana ni ka pijav i mol sa dok ni avol o Carstvo e Devleso.”
19 Thaj lija o mangro, dija hvala, thaj phaglja le thaj ulada e sikadenđe vaćarindoj: “Kava si mingro telo savo dol pe tumenđe. Kava ćeren te den tumen gođi mandar.” 20 A palo xape lija o tahtaj e moljasa thaj vaćarda: “Kava tahtaj si nevo savez ane mingro rat savo čhordol tumenđe. 21 A ak mo izdajniko bešol mancar kate ki sinija. 22 Thaj me, o Čhavo e manušeso, mora te merav sar so si phendo, al pharo e manušese savo ka izdol man!” 23 Thaj e sikade lije maškar peste te pučen pe ko bi ćerola gova lendar.
24 Thaj lije te ćeren čingara maškare peste ko lendar bi avola embaro. 25 A o Isus vaćarda lenđe: “E carura tar kaja phuv gospodarin pe pire manuša thaj isi len vlast pe lende. Von korkore pese vaćaren kaj si ‘manuša save but den šukaripe’. 26 A tumen ma ćeren gijate! Nego ko si tumendar embaro te avol emcikno thaj savo si vođa nek avol kova savo kandol. 27 Golese ko si embaro? Kova savo bešol ko astali il savo kandol? Naj li kova savo bešol ko astali? A me sem maškar tumende okova so kandol. 28 A tumen sen gola save ačhile mancar ane mo bilačhipe. 29 Thaj ačhavav tumenđe o carstvo sar mo Dad so ačhada manđe 30 te xan thaj te pijen ko astali mingro ane mingro carstvo thaj te bešen ko tron thaj te sudin pe dešuduj plemenura e Izraelese.”
31 Thaj vaćarda o Isus: “Simone! Simone! Ak o Satana manđol te sejil tumen sar so sejil pe o điv.[~2~] 32 A me molisaljem tuće ćo pačajipe ma te ačhol. A tu kana ka iri tut ke mande, te zurave će phralen!”
33 A o Petar vaćarda lese: “Gospode! Spremno sem ano phanglipe thaj ano meripe tusa te džav!”
34 A o Isus vaćarda lese: “Vaćarav tuće, Petre! Ađive ni ka đilabol o bašno dok tu trin droma ni vaćare kaj ni pindžare man.”
35 Thaj vaćarda lenđe: “Kana bičhaldem tumen bize kese parencar thaj bize traste thaj bizo pođipe, so naj sasa tumen?”
36 A o Isus vaćarda lenđe: “A akana kas isi kesa te lol la! Gijate i pi trasta! A kas naj mačo nek biknol po fostano thaj nek ćinol pese.[~3~] 37 Golese vaćarav tumenđe kaj trubul te pherdol okova so ačhol ano Sveto lil mandar: ‘Thaj e manuša dikhlje le sar jekhe manuše lendar save phađen o zakono.’ Golese sa so pisisade e prorokura mandar ka avol sa čače.”
38 A von vaćarde lese: “Gospode! Ak, isi amen duj mačura.”
39 Thaj iklindoj gothar, pale po adeti, đelo ko Maslinsko brego. A pale leste đele e sikade lese. 40 Thaj kana resle o Isus vaćarda lenđe: “Molin tumen te ma peren ano iskušenje!”
41 Thaj crdijape lendar gaći kobor šaj te čhudol pe bar thaj pelo ke pe koča em molisajlo e Devlese: 42 “Dade! Te mangljan le mandar te ma pijav tar kava tahtaj e bilačhimaso. Al nek avol sar tu so manđe, a na sar so me mangav.” 43 Tegani sikadilo lese o meleko taro nebo thaj zurada le. 44 A kana dolda le bari muka, but pozurale molisajlo, a znoj leso sasa sar kaplje taro rat save perena ki phuv.[~5~] 45 Pali molitva uštilo thaj avilo ke pe sikade thaj arakhlja len sar soven taro pharipe kobor sasa lenđe. 46 Thaj o Isus vaćarda lenđe: “Sose soven? Ušten, molin tumen e Devlese te ma peren ano iskušenje!”
47 Thaj dok o Isus vaćarda, e manuša thaj o Juda, jekh tare dešuduj sikade, avena premal leste. Avilo o Juda pašo Isus thaj čumidija le.[~6~] 48 A o Isus vaćarda lese: “Judo! Čumidimasa li izdaji man, e Čhave e manušese?”
49 A kana e sikade dikhlje so ćerdol, vaćarde “Gospode! Te maramen li? Isi amen mačura.” 50 Thaj čalada jekh tare sikade e sluga e bare sveštenikoso thaj čhinda leso desno kan.
51 A o Isus vaćarda: “Mučhen len! Nek ćeren gova!” Thaj dolda leso kan thaj sastarda le. 52 A o Isus vaćarda e manušenđe so avile pale leste, e šorutne sveštenikurenđe, e zapovednikurenđe e hramese thaj e phurederenđe: “Aviljen pale mande sar po razbojniko čhurencar thaj kaštencar te dolen man! 53 Sose ni dolden ma dok sema ano Hram? Svako đive sema tumencar odori. Al akana si tumaro sato, kana i sila e kalimasi vladil.”[~7~]
54 Kana dolde e Isuse, inđarde le ke bare sveštenikoso čher. A o Petar odural đelo pale lende. 55 A e stražara phabarde jag ani avlin, bešle savore katane thaj o Petar bešlo lencar. 56 Dikhlja le jekh sluškinja sar bešol paši jag thaj dikhlja nakar leste thaj vaćarda: “Kava sasa lesa!”
57 A o Petar xoxada vaćarindoj: “Džuvlije! Me ni pindžarav le!”
58 Nekobor pale gova pindžarda le aver thaj vaćarda: “Tu san jekh lendar!”
59 Thaj kana nakhlo paše jekh sato nesavo manuš uporno vaćarda taro Petar: “Čače thaj kava manuš sasa lesa. Galilejco si!”
60 A o Petar vaćarda: “Manušeja! Ni džanav so tu phene!” Thaj sigate dok vov vaćarda o bašno đilabija. 61 Thaj irisajlo o Gospod thaj dikhlja e Petre thaj o Petar dija pe gođi so vaćarda lese: “Ađive ni ka đilabol o bašno dok tu trin droma ni vaćare kaj ni pindžare man.” 62 Thaj o Petar iklilo avral thaj zurale ruja.
63 A e čuvara lije te maren e Isuse thaj te maren lesa muj. 64 Thaj učharde lese jakha thaj marde le thaj pučlje le: “Prorokuji ko čalada tut?” 65 Thaj but avera bilačhe buća vaćarde pe leste.
66 Thaj kana sasa sabalin, ćidije pe e narodna phuredera thaj e šorutne sveštenikura thaj e učitelja tare Mojsijaso zakono. Ande e Isuse angle manuša e Bare sudose 67 vaćarindoj: “Tu li san o Hrist? Vaćar amenđe.”
70 Savore vaćarde: “Tu li san o Čhavo e Devleso?”
71 A von vaćarde: “So trubul amen po but dokazura? Golese kaj korkore amen šundam tare leso muj.”
<- Luka 21Luka 23 ->*22,16 I Pasha dola gođi e izraelskone narodo pe gova sar o Dol ikalda len andaro ropstvo andaro Egipto kana dije kurbano cikne bakrore thaj čhute leso rat ke vudara pire čherenđe. Ko slično način, o Isus si e Devleso cikno bakroro thaj e Isusese ratesa oslobodil pire narodo taro ropstvo e grehoso. O Isus palem ka avol thaj ka vladil sar caro, a pale gova e vernikura ka ćeren baro xape thaj ka slavin e Devle savo ikalda len.
†22,31 O beng manglja te crdol len taro Isus, sar o gavutno manuš so crdol o điv tari ljuska.
‡22,36 Kana e sikade lije te vaćaren o Lafi e Devleso, o Isus sasa popularno, thaj e manuša pherde ilesa ćerena gostoprimstvo kolenđe save vaćarena e Isuseso haberi. E buća akana promenisajle akana but manuša suprostavin pe e Isusese thaj lese haberese, pa e sikade mora te aračhen pe thaj te aven spremna paše pire potrebe thaj i zaštita.
§22,38 Šukar si Značenjura save šaj te aven si: 1․ von isi len dovoljno mačura, avere lafurencar: “Akana isi amen dovoljno mačura”, il 2. O Isus manđol te prestanin te vaćaren golestar kaj isi len mačura: “Dosta vaćarden tare mačura.” Kana o Isus vaćarda lenđe kaj trubul te ćinen pese mačura, vov vaćarda lenđe tare opasnostura savencar ka aračhen pe. Vov ni manglja čače von te ćinen mačura em te maren pe.
*22,44 An nesave purane grčka rukopisura naj 43․ i 44․ retka.
†22,47 Nekobor purane rukopisura dodajin: “Golese kaj gija dija znako: ‘Kas čumidav gova si.’ ”
‡22,53 sila e kalimasi vladil značil “vreme kaj o Satana delujil”.