1 A o Isus pe sikadenđe vaćarda: “O iskušenje mora te avol, al pharo okole manušese prekal kaste avol o iskušenje. 2 Pošukar ka avol lese te umlavol pe e baresa tari vodenica thaj te čhudol pe ano more, nego te navodil ko greh jekhe tare kala cikne.[~1~] 3 Aračhen tumen!” Te grešisada ćo devlikano phral, vaćar lese kaj gova naj šukar, pa ako pokajil pe, oprosti lese. 4 Thaj ako efta droma ko đive grešil premal tute thaj efta droma avol tute thaj vaćarol: “Kajima”, oprosti lese.
5 Thaj vaćarde e apostolura e Gospodese: “Pher amen pačajimasa.”
6 A o Gospod vaćarda: “Kana bi avola tumen pačajipe gaći cikno sar e gorušicako seme, bi vaćarena kale dudinkaće: ‘Ikal tut taro koreno thaj sadi tut ano more!’ Ka šunola tumen.
7 Savo tumendar ka phenol pe slugase, savo hunol i phuv il aračhol e bakren, kana iril pe andaro polje: ‘Av akari, beš te xa mangro’? Na, nijekh tumendar. 8 Mesto gova ka vaćaren: ‘Ćer manđe te xav! Čhuv tuće i kecelja thaj kande ma dok xav thaj pijav! A pale gova šaj i tu te xa thaj te pije.’ 9 E slugase ni zahvalil pe o gospodari, golese so si gova lesi bući. 10 Gija i tumen kana šunen e Devle vaćaren: ‘Naj sam vredna hvalaće. Samo sam sluge save ćera amari bući.’ ”
11 Thaj kana đele ano Jerusalim, o Isus nakhlo maškari granica ki phuv i Samarija thaj i phuv i Galileja. 12 Thaj kana dija ane jekh foro, arakhlje le deš gubavcura, save ačhena dur. 13 Thaj vazdije po glaso vaćarindoj: “Isuse, Gospode! Smiluji tut pe amende!”
14 Kana o Isus dikhlja len vaćarda: “Džan thaj sikaven tumen e sveštenikurenđe.”[~2~] I gija phirindoj sastile.
15 A jekh lendar dikhlja kaj sastilo, irisajlo thaj hvalisada e Devle andaro sa o glaso. 16 Thaj pelo angle Isusese pingre thaj zahvalisajlo. Thaj gova sasa Samarijanco.
17 A o Isus pučlja le: “Na li sastiljen deš džene? Kaj si kola enja? 18 Sar maškar lende ni arakhlja pe nijekh te iril pe te zahvalil e Devlese, nego samo kava manuš andari aver phuv?” 19 Thaj vaćarda lese: “Ušti thaj dža! Sastarda tut ćo pačajipe ane mande.”
20 E fariseja pučlje e Isuse: “Kana ka avol o Carstvo e Devleso?”
22 A e sikadenđe phenda: “Ka avol o vreme kana ka manđen te dičhen ma barem jekh đive kana me, o Čhavo e manušeso, ka vladiv sar caro, al ni ka šaj. 23 E manuša ka vaćaren tumenđe: ‘Ak kate si’, il: ‘Ek odori!’ Al ma ikljen thaj ma prasten te roden man. 24 Golese so me, o Čhavo e manušeso, kana ka avav sar i munja so strefil andaro nebo thaj ka svetliv sa so si talo nebo. 25 Al angleder trubul but te avav mučimo thaj kala kuštika mora čhuden man pestar.
26 Thaj sar sasa ano vreme e Nojaso gija i ka avol ane đivesa kana me, o Čhavo e manušeso, ka avav. 27 Xalje, pilje, lije pe, dije pe dži kova đive dži kana o Noje dija ani barka thaj avilo o baro paj thaj tasile sa okola save ni sesa ani barka.
28 Gija sasa i ane Loteso vreme kana sasa vov džuvdo. E manuša ano foro i Sodoma xalje pilje, ćinde, bićinde, sadisade, vazdije čhera. 29 A o đive kana iklilo o Lot andari Sodoma, čalada i jag thaj pele žuta bara save phabon[~3~] taro nebo thaj mudarda sa okolen so ačhile ano foro. 30 Gija tar jekh drom kana ka avav me, o Čhavo e manušeso. 31 Ane gova đive ko ka avol ko krovo,[~4~] a lese šeja ano čher andre, ma te uljol te lol len! Savo si ano polje, ma te iril pe ano foro pale pe šeja. 32 Den tumen gođi sar muli e Lotesi romni![~5~] 33 Golese savo dičhol te aračhol po džuvdipe, ka hasarol le, a ko hasarol po džuvdipe, ka aračhol le. 34 Vaćarav tumenđe, ane goja rat kana ka avav, tare duj manuša save pašljon ko than e pašljimaso, jekh ka lol pe, a dujto ka ačhol ko than e pašljimaso. 35 Tare duj džuvlja save meljin ano mlin, jekh ka lol pe, a i dujto ka ačhol. 36 [Duj ka aven ki njiva, jekh ka lol pe, dujto ka ačhol.]”
37 Thaj e sikade pučlje e Isuse: “A kaj gova, Gospode?”
*17,2 Kava odnosil pe pe manuša save si vadži cikne ane po pačajipe.
†17,14 sikaven tumen e sveštenikurenđe E gubavcura trubuje te roden potvrda taro svešteniko kaj sastile tari guba.
‡17,29 žuta bara save phabon sumpor
§17,31 Lenđe krovura sesa ravna thaj e manuša šajine te phiren pe lende il te bešen.
*17,32 Voj okrenisajli thaj dikhlja premali Sodoma thaj o Dol kaznisada la thaj e manušen tari Sodoma.
†17,37 Kana e manuša dičhen kaj e lešinara ćiden pe ko jekh than, džanen kaj odori isi khanči mulo. Ko isto način, savorenđe ka avol očito kana e Devleso sudo avol.