1 A pale gova odredisada o Gospod averen eftavardeš thaj dujen (72) sikaden[~1~] thaj bičhalda len duj po duj te džan angle leste ane sa e forura thaj ane thana kaj manglja te džal. 2 A o Isus vaćarda lenđe: “O ćidipe[~2~] si baro a e bućarne si zala, golese tumen molin e gospodare taro ćidipe te bičhalol e bućarnen ke po ćidipe.[~3~] 3 Džan, ak bičhalav tumen sar terne bakren maškare ruva. 4 Ma inđaren kese parencar ni traste ni sandale thaj dok phiren ma ačhen te vaćaren ko drom khanikasa te ma hasaren tumaro vreme.
5 Kana den an nesavo čher angleder vaćaren: ‘Mir ane kava čher.’ 6 Ako gola so bešen ano čher manđen o mir, o mir ka avol pe lende, ako ni manđen ka iril pe tumenđe tumaro mir. 7 Kana džan an nesavo čher, ma taro gova čher džan ke aver. Ačhen ke gova čher thaj xan thaj pijen so isi len, golese kaj o bućarno dostojno si pe plataće. 8 Kana den ane nesavo foro thaj gothe manđen tumen, xan so anen angle tumende. 9 Sastaren e nasvalen save si ane gova foro thaj vaćaren lenđe: ‘Kava sikavol tumenđe kaj si o Carstvo e Devleso paše.’ 10 A kana džan ano nesavo foro thaj ni manđen tumen gothe, ikljen ko drom lengo thaj vaćaren: 11 ‘Thaj o praho tare tumaro foro savo si pe amende kosa amendar sar znako kaj o Dol ka sudil tumenđe.[~4~] Al te džanen paše avilo tumenđe o Carstvo e Devleso.’ 12 Vaćarav tumenđe kaj e Sodomaće[~5~] ka avol po lokho ko đive e Sudoso nego gole manušenđe tar gova foro!”
13 “Pharo tumenđe, manušalen taro Horazin! Pharo tumenđe, manušalen tari Vitsaida! Golese te bi ćerdona e čudura ano foro Tir thaj ano foro Sidon[~6~] sar tumende so ćerdile, dumutane bi pokajina pe thaj bi bešena urade ano dorikalo čaršafi thaj ano praho.[~7~] 14 A e manušenđe taro Tir thaj e manušenđe taro Sidon ka avol poločhe ko sudo nego tumenđe. 15 A tumen manušalen taro Kafarnaum! Dži o nebo li ka ušten? Ka peren dži ko than kaj si e mule – Had.”
16 Thaj vaćarda pe sikadenđe: “Ko tumen šunol, man šunol thaj ko tumen čhudol, man čhudol. Ko čhudol man, čhudol e Devle savo bičhalda man.”
17 Kana irisajle kola eftavardeš thaj duj sikade radosno vaćarde e Isusese: “Gospode, e benga pokorisajle amenđe ke ćiro alav.”[~8~]
18 A o Isus vaćarda lenđe: “Me dikhljem e Satana sar pelo taro nebo sar munja.[~9~] 19 Ak dijem tumen zor te ačhen pe sapa thaj pe škorpije[~10~] thaj pe sa o vlast e dušmaneso[~11~] thaj khanči ni ka avol tumenđe. 20 A golese tumen ma aven radosna so e duxura pokorin pe tumenđe, nego aven radosna so si tumare alava pisime ko lil e Devleso ano nebo.”
21 Ane gova sato o Isus pherdilo radost ano Sveto Duxo thaj phenda: “Hvaliv tut, Dade, Gospode e phuvako thaj e neboso, so garadan ćo čačipe tare but džangle thaj tare razumna a vaćardan e ciknenđe.[~12~] Va, Dade, golese kaj si gova ćiri volja.”
22 Thaj irisajlo o Isus ke pe sikade thaj vaćarda: “Sa manđe dija o Dad mingro thaj khoni ni džanol ko si o Čhavo sem o Dad, ni ko si o Dad sem o Čhavo thaj okola kase o Čhavo manđol te vaćarol.[~13~]”
23 Thaj irisajlo e sikadenđe kana sesa korkore thaj vaćarda lenđe: “Blagoslovime si e jakha so dičhen so tumen dičhen. 24 Golese vaćarav tumenđe kaj but prorokura thaj carura manglje te dičhen man thaj ni dikhlje thaj manglje te šunen man thaj ni šunde.”
25 Thaj uštilo jekh tare učitelja taro Mojsijaso zakono te iskušil e Isuse thaj pučlja le: “Učitelju! So trubul te ćerav te avol ma džuvdipe bizo meripe?”
26 A o Isus vaćarda lese: “So si pisimo ane Mojsijaso zakono? Sar tu gova haljare?”
27 A vov phenda e Isusese: “Mang e Gospod ćire Devle sa ćire ilesa, sa ćire dušasa thaj sa ćire zorasa thaj sa ćire gođasa thaj mang ćire pašutne sar korkore tut.”
28 A o Isus vaćarda lese: “Šukar vaćardan. Čher gova thaj ka avol tut džuvdipe bizo meripe.”
29 A o učitelji taro zakon manglja te opravdil pe, pa pučlja e Isuse: “Ko si mo pašutno?”[~14~]
30 A o Isus vaćarda lese: “Jekh manuš ulilo taro Jerusalim ano foro savo akhardol Jerihon thaj dolde le e čora, save uljarde lese šeja thaj marde le. Đele pese thaj ačhade le opaš mule pašo drom.
31 Thaj slučajno gole dromesa nakhlo nesavo jevrejsko svešteniko thaj dikhlja le em crdija pe lestar ki aver rig thaj nakhlo. 32 Gija thaj o levito e sveštenikoso sluga kana avilo ke gova than avilo paše, dikhlja le thaj nakhlo. 33 A nesavo Samarijanco[~15~] avilo paše leste, dikhlja le pa pelo lese žal. 34 Thaj avilo koslja e manušese rane[~16~] uljesa thaj moljasa thaj paćarda len, čhuta le ke po her thaj inđarda le ani mehana thaj dikhlja pe leste. 35 Thaj theara đive kana lija te džal ikalda duj srebrenjakura[~17~] dija ko manuš kasi sasa i mehana thaj phenda lese: ‘Dikh pe leste thaj te trošisadan po but me ka poćinav kana ka irima.’ ”
36 “So den gođi akana?” Pučlja o Isus. “Tare kala trin džene ko sikadilo e manušese save dolde le e čora, sar em pašutno ?”
37 A o učitelji e zakoneso phenda lese: “Okova savo ćerda milosrđe.”
38 A kana đele premalo Jerusalim, o Isus thaj lese sikade avile ane jekh gav, a jekh džuvli, akhardola Marta, dija len vika ane po čher. 39 Thaj la sasa phen savi akhardola Marija, savi bešli paše pingre e Isusese thaj šunda leso vaćaripe. 40 A i Marta dikhlja po but ani bući em sar emlačhe te kandol le, avili pašo Isus thaj vaćarda lese: “Gospode! Šukar li si kava so mi phen ačhada man korkora te kandav tut? Vaćar laće te pomožil ma.”
41 A o Isus vaćarda laće: “Marto! Marto! Sikiri tut thaj trudi tut butese. 42 A samo jekh trubul. I Marija ći phen birisada kova so si po šukar, te šunol mo lafi savo ni ka lol pe latar.”
<- Luka 9Luka 11 ->*10,1 Ane nesave grčka rukopisura ačhol: “eftavardešen” (thaj ano stiho 10:17)
†10,2 gađikane “žetva”
‡10,2 O Isus podrazumil kaj isi but manuša save si spremna te den ane Devleso Carstvo, al naj but sikade te pomožin em te sikaven e manušen.
§10,11 Gova si simbolično bući savasa sikadol pe kaj čhuden e manušen tare gova foro; il: “Gija, sar tumen so čhudijen amen, thaj o Dol gija čhudol tumen.”
*10,12 O Dol uništisada e sumporne jagasa e manušen ano foro Sodoma golese so sesa bilačhe (dikh 1. Mojs 19,24–28).
†10,13 Horazin! Pharo tumenđe, manušalen tari Vitsaida! Golese te bi ćerdona e čudura ano foro Tir thaj ano foro Sidon Manuša save bešle ano Horazin thaj ani Vitsaida si Jevreja pa trubuje te ađućaren e Mesija. Manuša save bešle ano Tir thaj ano Sidon naj Jevreja gija da von ne bi ađućarena kaj ka avol o Mesija. Okova so o Isus kate vaćarol kaj čak i okola so naj Jevreja trubul te pindžaren kaj si vov o Mesija golese so ćerda sa gola čudura.
‡10,13 An goja kultura, e manuša bi phiravena šeja ćerde taro dorikalo čaršafi, savo našti phiravol pe thaj naj udobno, thaj bi bešena ano praho, te bi sikavena kaj lenđe žal so grešisade anglo Dol.
§10,17 Kate o “alav” odnosil pe ke Isuseso moć em autoritet.
*10,18 O Isus koristil kaja paramič te bi uporedila sar o Dol pobedisada e Satana, dži kaj lese 72 sikade propovedisade ane forura, odnosno Satana pelo taro nebo sar i munja savi čalavol premali phuv.
†10,19 Verovatno si e sapa thaj e škorpionura metafora za ke bilačhe duxura.
‡10,19 O Dušmano si o Satana.
§10,21 Kava odnosil pe pe kola save naj len but sikajipe, al si spremna te prihvatin e Isuseso sikajipe sar so e cikne čhavore save si spremna te šunen kolen ane kaste pačan.
*10,22 Vlast, autoritet, zor, čačipe, thaj aver.
†10,29 Kava manuš manglja te džanol kas trubul te manđol, avere lafurencar: “Kas trubul te dikhav pašutne thaj te mangav sar korkore man?”
‡10,33 Samarijanco E Samarijancura sesa e jevrejenđe potomkura save lije pe avere narodosa. Von ni slavisade e Devle ko Jerusalim sar e Jevreja so ćerde. E Jevreja sesa holjame pe Samarijancura thaj ni pačaje kaj e Samarijancura sesa e Devleso narodo.
§10,34 i mol koristisade te čistin e rane, a o ulje verovatno koristisade te sprečil pe infekcija.
*10,35 Ko original ačhol: duj dinara save si duj dnevnice.