1 Kana o Isus dija gata sa godola alava anglo them, dija ando o gav Kafarnaum. 2 Varesavo rimsko kapetano[~1~] sasle robo savo sas nasvalo po smrto, a vo sas lešće but drago. 3 A kana o kapetano ašundas palo Isus,[~2~] bičhaldas lešće e židovske starešinen[~3~] thaj molisarda les te avel te sastarel lešće slugo. 4 A von aviline ko Isus thaj počnisardine ilestar te molin les alavenca: “Zaslužisarda te ćeres lešće godova, 5 kaj volil amare theme thaj vo vazdas amenđe e sinagoga.”
6 A o Isus teljarda lenca. Thaj kana sas već paše ko ćher, bičhalda o kapetano pire drugaren leste te phenen lešće: “Gospode! Na trudisartu, kaj najsem dostojno te des tale mungro krovo.[~4~] 7 Zato vi či inćara man dostojno te avav angle tute, nego samo phen alav thaj sastola o sluga mungro. 8 Vi me sem manuš tele vlast thaj si man tale mande vojnikurja. Thaj kana phenav jećhešće: ‘Dža!’, vo džaltar. Thaj kana phenav averešće: ‘Av!’, vo avel. Thaj kana phenav mungre robošće: ‘Ćer godova!’, vo ćerel.”[~5~]
9 A kana godova ašundas o Isus, začudisajlo e kapetanošće thaj boldape ko them savo džalas pale leste thaj phendas: “Phenav tumenđe: Ke nijek Izraelco či arakhlem gaći paćipe sago ke akava kapetano!”[~6~] 10 A kana okola kaj sas bičhalde katar o kapetano boldinepe ćhere, arakhline e robo kaj si sasto.
11 Pale godova o Isus teljarda ando gav savo akhardolas Nain.[~7~] Pale leste džans e učenikurja thaj o but o them. 12 Kana avilo paše ke gavesko vudar, baš askal inkalenas e mule, čhave savo sas jedinco pire dejako savi sas udovica. Lava sas o but o them andar o gav. 13 Kana dikhlala o Gospod, sažalisajlo pe late thaj phendas laće: “Na rov!” 14 Pale godova avilo ko mohto,[~8~] čhuta pire vas pe leste thaj o kola kaj inđarenas o mohto ačhiline. A vo phendas: “Čhaveja, tuće phenav: Ušti!” 15 O mulo vazdape, bešlo thaj počnisarda te ćerel svato. A o Isus dijales lešće dejaće.
16 A savora zadivisajle thaj počnisardine te hvalin e Devle alavenca: “Baro proroko avilo maškar amende!” thaj: “O Del avilo ando pomoć pire themešće!”[~9~] 17 Thaj godova glaso pale leste buljilo pe saste judejske krajurja thaj pe sasti okolina.
18 E Jovanošće učenikurja javisardine e Jovanošće[~10~] so o Isus ćerdas. A vo akhardas pire dujen učenikonen 19 thaj bičhalda len ko Gospod te phučen les: “Da li san tu okova saves obećisardas o Del kaj trubul te avel, ili te ažućaras averes?”[~11~]
20 Kana akala duj manuša aresline leste, phendine: “O Jovano savo bolel bičhalda amen tute te phučas tut: ‘Da li san tu okova saves obećisardas o Del kaj trubul te avel, ili te ažućaras avres?’ ”
21 O Isus baš ande godova časo sastarelas e buten katar lenđe muke, razne nasvalimata thaj katar e bilačhe duhurja thaj e bute kore manušenđe boldas o vido. 22 A o Isus phendas lenđe: “Džan thaj phenen e Jovanošće so upravo dikhline thaj so ašundine: e kore dićhen, e banđe phiren, e gubave saston, e kašuće ašunen, e mule ušten, a e čorenđe[~12~] propovedilpe e Bahtali nevimata.[~13~] 23 Blago okolešće savo či sablaznilpe zbog mande.”
24 A kana đeletar e Jovanošće učenikurja, o Isus počnisarda te phenel e but e themešće palo Jovano: “So inkljistine te dićhen ande pustinja? E trska, savja ljuljil e balval?[~14~] Na! 25 So dakle inkljistine te dićhen? Manušes savo lija pe peste barvale drze? Na! E manuša save inđaren pe peste šukar drze thaj train ando raskoš, von si ande carošće dvorurja. 26 So dakle inkljistine te dićhen? E proroko? Ej, me phenav tumenđe, vo si majbut vi katar o proroko. 27 Kaj vo si okova pale savo o Del phendas ando Sveto lil:
29 Kana sa o them thaj vi e carinikurja save sas bolde e Jovanošće boldimasa, ašundine e Isuse sar ćerel svato priznaisardine kaj si e Devlesko sikavipe ispravno. 30 A e fariseja thaj e sikavne e Mojsiješće zakonestar, či kamenas te bolel len o Jovano. Von odbisardine so o Del planirisarda pale lende.
31 O Isus phendas: “Kasa te usporediv e manušen katar akaja generacija? Kašće si slične? 32 Lenca si sago čhavrenca save či džanen so kamen bešen po sokako thaj jek avrešće čhon muj:
36 Varesavo farisejo zamolisarda e Isuse te hal leste. O Isus dija ande farisejsko ćher thaj lijas than pale sinija.[~17~] 37 Kana ake avili varesošći manušnji savi sas bezehali ando gav. Ašunda kaj si o Isus pale sinija ande farisejsko ćher, avili thaj andas[~18~] e alabasterosko čaroro ande savo sas kuč mirisno ulje. 38 Ačhili pale lešće pungre, rovelas thaj e jasvenca thovelas lešće pungre a pire balenca khoselas len. Čumidelas len thaj maćhelas len e mirisne uljeja.
39 Kana godova dikhlas o fariseji savo akharda e Isuse ande piro ćher, gndisardas ande peste: “Kana akava avilosas proroko, džanglasas ko si thaj sošći si akaja manušnji, savi diril les, kaj si bezehali.”
40 O Isus phendas lešće: “Simone, siman vareso te phenav tuće.”
41 O Isus majdur motholas: “Sas varesavo manuš savo delas averenđe udžile love. Gajda sas duj džene save sas lešće udžile. Jek sas lešće udžile pandž šela rupune lovora,[~19~] a aver pandžvardeš. 42 Sar naštik te boldine e love save sas lešće udžile, vo jartosardas liduj dženenđe o dugo. Savo lendar majbut volila les?”
43 O Simon phendas: “Gndiv kaj okova savešće si majbut jartome.” A o Isus phendas lešće: “Lačhe phenes.”
44 Gajda boldape ke manušnji thaj phendas e Simonešće: “Dićhes akala manušnja? Dijem ande ćiro ćher, a tu ni paj či dijan man te thovav mungre pungre, a voj pire jasvenca thoda mungre pungre thaj pire balenca khosla len.[~20~] 45 Tu či ni čumidan man, a voj, sar dija andre, či ačhili te čumidel mungre pungre.[~21~] 46 Uljeja mungro šoro či makhlan, a voj e mirisne kuč uljeja mungre pungre makhlas.[~22~] 47 Zato, phenav tuće: ‘Voj sikadas but ljubav kaj si laće jartome e but e bezeha, a maj cara ljubav sikadas okova savo si maj cara svesno kaj si lešće jartome lešće bezeha.’ ”[~23~] 48 A o Isus phendas e manušnjaće: “Jartome si tuće ćire bezeha.”
49 A kola save sas pale sinija počnisardine te mothon maškar pende: “Ko si akava kaj vi e bezeha jartol?”
50 A vo phendas e manušnjaće: “Zbog ćiro paćipe tu san spasime. Dža ando miro!”
<- Luka 6Luka 8 ->*7,2 O kapetano si manuš savo zapovedil pe šel vojnikurja.
†7,3 O kapetano ašundas kaj o Isus sastardas e bute theme, thaj kaj si vo paše odnosno kaj bolda pes ando Kafarnaum.
‡7,3 O Isus sas židovo a o kapetano nas, pa o kapetano gndisardas kaj o Isus maj rado uslišila e molba ako o židovo zamolisardasas les. Uglavno, e židovurja thaj e rimske vojnikurja sas dušmaja.
§7,6 E židovurja či dinesas andre ando ćher savo nas židovsko te na aven nečiste anglo Del.
*7,8 Baš sago kaj si e kapetano autoriteto te naredil e vojskaće, gajda si e Isuses autoriteto te naredisarel e nasvalimašće te nestanil.
†7,9 O Isus očekuisardasas te e židoven avel kasavo paćipe, ali nas len. Vo či očekuisardasas katar okola save nas židovurja te avelen kasavo paćipe, a palem akale rome sas.
‡7,11 A kava si paše pašo than kaj o proroko Jelisej vazdas andar e mule e dejaće jedinco čhave, šelenca brša majsigo (dik 2. Car 4,8–37).
§7,14 mohto Ando godova vrjama, e mohte či izgledinas sago kaj si ađes, nego sas nosilja savensa inđarenas e mule samo džiko limori.
*7,16 E manuša verovatno gndisardine kaj sas o Isus baro proroko sago o Ilija ili o Jelisej, jedine duj manuša ando Purano Savezo save vazdine varekas andar e mule (1. Car 17,17–24; 2. Car 4,18–37).
†7,18 O Jovano savo bolelas sas ando phanglipe.
‡7,19 E židovurja očekuinas kaj o Mesija avela caro savo avela thaj spasila len katar e rimsko vlada. Či očekuisardine te avel samo duhovno spasitelj. O Jovano pindžarelas o proročanstvo palo Mesija sago kaj phendas o Is 42,7; 61,1–2 (dik isto gajda ando Lk 4,18–19). Gajda očekuisardas te o Isus postanisarel caro, thaj te e Jovane thaj e aver pravedne manušen oslobodisarel andar o phanglipe, thaj te sudil thaj kaznil e manušen save odbacisardine e Mesija (dik okova so phendas o Jovano ando Lk 3,9, 16–17), ali khanči katar godova još či dogodisajlo.
§7,22 e čorenđe O Isus anelas e bahtali nevimata na samo e čorenđe, nego vi okolenđe save sas duhovno čorenđe (dik Mt 5,3).
*7,22 Akala čudurja save o Isus ćerelas dokažisardine kaj si vo o Mesija, sago kaj o proroko Isaija predvidisarda ando Is 29,18–19; 35,5–6; 61,1–2.
†7,24 O Jovan savo bolel naj manuš savo lako predomislilpes, sago e trska savijilpe lako pomeril e balval.
‡7,28 O Jovano savo bolelas avilo te pripremil o drom palo Isus thaj pale Isusesko carstvo. Ali nakon so o Isus uspostavil piro carstvo, godova si, nakon so o Isus mulo, vaskrsnisarda thaj sas vazdino ando nebo. Savora save paćan ando Isus silen blagoslovurja majbut katar o Jovano savo pripremisardas samo o drom majsigo nego so avilo o carstvo.
§7,35 Akava si e izreka savi o Isus primenisarda pe akaja situacija, verovatno te sikavelen te e mudre manuša razumin kaj či trubuine te odbacin e Isuse thaj e Jovane.
*7,36 O običaj sas pe gozbe save sas sago akaja večera te e muškarcurja udobno pašljon pe rig dok han.
†7,37 Ande godoja vrjama sas o običaj te ćidelpes o them vi okola save naj akharde thaj te prisustvuin e gozbaće thaj te ašunen o alav, a te na han.
‡7,41 rupune lovora Ande godova vrjama, jek rimsko denari sas sago ađes jek dnevnica.
§7,44 Akava sas e osnovno odgovornost e domaćinešći te pripremil o lavori e pajesa thaj o peškiri te šaj thoven pire pungre.
*7,45 E manušnji čumidelas e Isusešće pungre mesto lesko muj sago znako kaj but pokaisajle thaj ponizisajli.
†7,46 Akava sas o običaj kana dočekinas pe e posebne gosturja. E manušnji veoma počastisardas e Isuse godolesa kaj ćerdas godova. Voj sikadas e poniznost godolesa kaj pomazisardas lešće pungre umesto lesko šoro. O Isus čhutas sago primer e Simonešće bilačho gostoljubivost sago primer naspram okova so ćerdas e manušlji pale leste.
‡7,47 Ando originalno teksto ramol: “Kaj cara volil okova kašće si cara jartome.”