1 Wà Pwiduée, âna é mara ina [tà tèpa jojoorojè] pâ, ée mwa poparà pâ naa na aunao [ma pinaanapô] na é jèe mara ipwabwàti ba kàra. Â ê auina kêe bèepwiri, âna é jèe nye coo ba kâjè nabàni. Êkaa na jè ipwacôoco, ba é péa pitèi pàra tàpé gée goojè wà Pwiduée, ma ina pâ, rà jèe ipâiti[a].
2 Ba jèe nye picémara tâjè ê popai na wâdé [goro ê aunao bèepwiri] pwacèwiirà. Êco na wàilà, âna ticè pumara ê popai na rà têre, gée goro na càra caa tòpi goro cèikî[b]. 3 [c][Â wàépwiri ê majoroé ma] é ina wà Pwiduée pâ:
4 [e]Jè pûra mwara naa na jè ére gée goro ê *Tii Pwicîri [i pwi ia é pwa wà Pwiduée naa na autapoo goo]. Ba jèe wii pâ: É nao wà Pwiduée na bé 7 kâra tòotù, gée na càùru ê pâ wakè na é pwa.Genèse 2.2 Wàépwiri pwi bé 7 kâra tòotù kâra nadàpàra pwapwicîri.
5 [f]Jè wâjué côwâ naa goo i pwi nee tii, na ina pâ:
8 [j]Êkaa na jè côo pâ ê aunao [ma pinaanapô bèepwiri] âna càcaa ê napô na ia é poparà pâ naawê wà Iosua† 1re phrase—Grec: Ba wiàna é naa tàra aunao wà Iosua… (Iosua—Côo Apostolo 7.45.). Ba wiàna wàrapwiri, â pwiri câé mwa caa ina côwâ cè jè tòotù wà Pwiduée. 9-10 [~12~]Â gée goo pwiri, â pwa ê aunao [ma pinaanapô] ba kâjè tèpa âboro kà Pwiduée. Â, na jè o too naa na, â jè o mwa bàra nao jii ê wakè kâjè. Â jè o ipwacèwii wà Pwiduée, na ia é nao naa na bé 7 tòotù, [gée na càùru pai tòpò kêe ê gòropuu].
11 Wiàna wàrapwiri, â wâdé na jè ipwadàrapwa ma jè tòpi ê âji pinaanapô kà Pwiduée. Â jè cibwaa pwaduwà kà tèpa jojoorojè, [tèpa *Isaraéla] na ia rà ipwatàu. Ba wà pwina câé caa pitêre dà Pwiduée, âna é pâiti[~13~].
12 [~14~]Ê popai kà Pwiduée[~15~], âna dau pwa pàtàmee, ba na é wakè goojè. Ba é pwacèwii ê tàuwa na nye dau éa kaa ê du piére, ba é tapàgà tiagoro pâ aupitòobàra ma tiagoro pâ âraduujè. Ba é gée tiagoro pâ câbawâdé ma auniimiri na tàbinyiri nigée na pwâranümajè. Â é [pwa ma pwéelaa goorà[~16~] ma] tèirà.
13 Ba nye ticè jè muru, ma âboro, cèna pâri ma é cârü goo wà Pwiduée. Ba wàé na é tòpòrà diri, â é tâmogòori ê âji pai pwa goorà[~17~]. Â nye wàé kaa na jè o mwa coo araé ma paari têe diri ê pwina jè pwa.
14 [~18~][Go gére ina tàwà pâ] wà Iésu, *Pwina naî Pwiduée, âna é pwi a pwa *ârapwaailò maina kâjè, na é jèe too naa *napwéretòotù, [ba na é pwi a-ipa popai nabibiu kâjè ma wà Pwiduée]. Êkaa na wâdé na jè tà tâjùru ba mwü ê cèikî kâjè naa gooé.
15 Câé caa pwi a pwa ârapwaailò na é wâiti jiijè. Ba é tâmogòori bwàti ê pai ticè nii kâjè, â jèe tacaié, naa goro diri ê pwina tacaijè goo. (Êco na wàé, âna câé mu caa pipanuâê, â câé mu caa pwa na èpà.)
16 [~19~]Gée goo kaa pwiri, â o câjè caa piwâ, na jè me na ara Pwiduée, Pwi Ukai[~20~], [na é naigé mee wà Iésu]. Ba jè o mwa tòpi gée gooé ê *pimeaari imudi kêe. Â ée mwa pitu tâjè, [wàijè na piticè nii kâjè] â ée mwa dau pwa na wâdé tâjè, na pàara kêe.
<- Hébéru 3Hébéru 5 ->-
a É péa…ina pâ, rà jèe ipâiti—é, Ba rà péa niimiri wà pàra tàpé gée goojè pâ, na rà jèe ipwâ.
b Càra caa tòpi goro cèikî—é, Càcaa tâa goorà ê cèikî kà tàpé na rà pitêre dèe. Pwiri pai ina wèe pâ, wà Kaléba ma Iosua na ru cèikî naa goo wà Pwiduée. (Côo Nombres naporomee 13 ma 14.)
4:3 Psaume 95.11; Hébéru 3.11
d Jè o tòpi ê âji nao… Grec: Jè o nye too naa na aunao. Jè tòpi i âji pinaanapô bèepwiri na jè tâa goo Iésu Kériso.4:4 Genèse 2.2
4:5 Psaume 95.11
4:7 Psaume 95.7–8
h Tòpi ê âji pinaanapô—Côo note goo nee tii 3. i  guwà pitêre dèe—Grec: Guwà cibwaa nama gòo pwâranümawà.4:8 Deutéronome 31.7; Josué 22.4
k 1re phrase—Grec: Ba wiàna é naa tàra aunao wà Iosua… (Iosua—Côo Apostolo 7.45.)4:9-10 Hébéru 4.4
~13~ Dernière phrase—Grec: Ba na o câé caa tûu wà pwi jèpwi.4:12 Éféso 6.17; Auinapàpari 1.16, 19.13–15
~15~ Ê popai kà Pwiduée—Càcaa aupwa tii co. Ba é patùrajè wà Pwiduée, na rà naigé mee wà tèpa âboro kêe, â na naigé mee ê Tii Pwicîri mwara. ~16~ Pwa ma pwéelaa—Rà ina mwara wà tèpa ijiao pâ: Papwéelaari. ~17~ É tâmogòori ê âji pai pwa goorà—Grec: Â rà nye cau cipàpaa na ara ê du âraporomee.4:14 Hébéru 3.1, 10.23
4:16 Hébéru 10.19
~20~ Na ara Pwiduée, Pwi Ukai—Grec: Naa goo ê autâa (trône).