«Reꞌ take cahnel ixok quikꞌoric pan kakꞌorbal maꞌ cꞌahchiꞌ ta quicꞌulum i toꞌbal npuhcjic kalakal cuꞌum take niminel quikꞌoric pan hewre̱yo. Ruꞌum aj reꞌ, reꞌ ok chic hat-tak tipuhcunok tak reh toꞌbal nyeꞌeric, nqui take cok.

2 Naxquibiraj chi jeꞌ reꞌ cꞌahchiꞌ ricꞌuluric, reꞌ take cablaj chi nahsil aj cꞌamol be̱h xquimol wach chiꞌnchel take aj niminel eh jeꞌ wili xquikꞌor:

«Reꞌ hoj cꞌamol be̱h maꞌ riwi̱ꞌ ta chi keh chi enkacana̱ꞌ lok wuluꞌ i kacamaj chi rikꞌormojic riCꞌuhbal i Dios reh chi reꞌ chic i toꞌbonic nyeꞌeric queh take cahnel ixok enkilow. 3 Ruꞌum aj reꞌ, reꞌ hat-tak kas kacha̱kꞌ chasicꞌ chaxilac tak wuku̱b ok chi aj niminel jeꞌ ru̱cꞌ til wilic quinoꞌjbal chi manlic ruꞌum chi wilic i Lokꞌ laj rUxlabal i Dios cu̱cꞌ. Jeꞌ woꞌ holohic ok woꞌ ribiral quicꞌacharic chi quiwach i tinamit reh chi reꞌ take reꞌ equichopbic reh i camanic reh ripuhcjic i toꞌbal chi quina̱ take cahnel ixok. 4 Jeꞌ reꞌ nipahkaj aweh chi na̱banam tak reh chi reꞌ hoj enkachop kacꞌux chiri̱j i kacamaj chi rikꞌormojic riCꞌuhbal i Dios, jeꞌ woꞌ chi ribanaric johtok kati̱j chiwach, nqui take cablaj chi cꞌamol be̱h.

5 Jeꞌ reꞌ ajic reꞌ take aj niminel xicꞌul quicꞌux reꞌ xquikꞌor take cablaj reꞌreꞌ eh xquichih lok take winak jeꞌ wili quibihnal: Reꞌ Te̱wan, jenaj winak cow ricꞌux chi niminic ruꞌum i Lokꞌ laj Uxlabal, reꞌ Peh, reꞌ Porco̱ro, reꞌ Nicanor, reꞌ Timon, reꞌ Parme̱nas chꞌi̱l i Cola̱x nchalic ar Antiyoqui̱ya reꞌ najtir ripꞌutum cho ricꞌamaric na̱ quicꞌuhbal take ra̱ꞌ riꞌsil cho maꞌ Israhel. 6 Chiri̱j reꞌreꞌ nok chiho̱j chic lok quiwach take wuku̱b chi aj niminel reꞌreꞌ xicꞌamaric cho chi quiwach take cablaj chi nahsil aj cꞌamol be̱h, reh chi xquicoj quikꞌab chi quina̱ eh jeꞌ woꞌ chi ribanaric i ti̱j chi quina̱. 7 Chi jeꞌ aj reꞌ xqꞌuihbic wach take cꞌacharel quibirinic reh riCꞌuhbal i Dios xquitik juꞌ rikꞌormojic take cablaj chi cꞌamol be̱h reꞌreꞌ quichꞌi̱l take quich aj niminel eh ru̱cꞌ reꞌreꞌ, kꞌe̱ꞌ woꞌ naxqꞌuihbic wach i quicomonil take aj niminel ar Jerusalen. Maꞌ xa reꞌ ta woꞌ reꞌreꞌ xcꞌuluric, qꞌuih laꞌ woꞌ take aj kꞌahsem si̱ xquinimej i cꞌuhbal nkꞌoric chiri̱j i kAja̱w Jesus.

«Reꞌ hoj kabiram i Te̱wan wili chi cꞌahchiꞌ rikꞌorom maꞌ holohic ta laj kꞌoric chiri̱j rikꞌorbal i Dios kꞌoro̱j cho ruꞌum Moyses, nqui take chi chucuj kꞌoric.

12 Jeꞌ reꞌ nok reꞌ xquikꞌor reꞌreꞌ xiban chi reꞌ take tinamit xibirinic reh, chꞌi̱l take nimak quiwach chi quina̱ i tinamit, chꞌi̱l woꞌ take aj tijem ri̱j Cꞌuhbal Yeꞌo̱j reh Moyses, yohbal wach naxjohtic quicꞌa̱ eh ruꞌum reꞌ xo̱j quichop i Te̱wan pan ehtil eh xquicꞌam cho chiwach quicomonil take nahsil chipam katinami̱t reꞌ chopo̱j na̱ ruꞌum i nahsil cꞌamol quibe̱h take aj kꞌahsem si̱. 13 Ar aj ruꞌ reꞌ take xitojmojic chi naquiyeb quichi̱ꞌ chi chucuj kꞌoric jeꞌ wili xquikꞌor cok:

«Reꞌ winak wili maꞌ ricana̱ꞌ ta soꞌ ribanaric maꞌ holohic ta laj kꞌoric rikꞌor lok chiri̱j Lokꞌ laj Pa̱t reꞌ nlokꞌonjic wi̱ꞌ wach i Dios jeꞌ woꞌ chiri̱j i Cꞌuhbal yeꞌo̱j reh Moyses. 14 Jeꞌ woꞌ, til kabiram woꞌ chi cꞌahchiꞌ rikꞌorom chi reꞌ pa̱t wili naribokoric ruꞌum i Jesus reꞌ ribihnej chi aj Nasaret. Maꞌ xa reꞌ ta reꞌ, xkabiraj laꞌ woꞌ ru̱cꞌ chi reꞌ Jesus naribanam woꞌ chi reꞌ noꞌjbal hat-tak tijimaj wi̱ꞌ pa ricꞌuhbal i Moyses narijalaric wach, nqui take cok.

15 Naxquibiraj chi jeꞌ reꞌ, reꞌ take nahsil quimolom qui̱b xa cow chic xquitzꞌehtaj i Te̱wan eh ar aj ruꞌ xquilow woꞌ chi xiban xa nrepretic chic i rilbal xa jeꞌ chic ricab rilbal jenoꞌ raj tzꞌeꞌ wa̱ch i Dios nchalic pan taxa̱j.

<- HECHOS 5HECHOS 7 ->