AmaHubo 146

Ihubo 146

1 Dumisani uThixo.

Dumisa uThixo mphefumulo wami.

2 Ngizamdumisa uThixo impilo yami yonke;

ngizahlabela indumiso kuNkulunkulu wami nxa ngisaphila.

3 Lingabeki ithemba lenu emakhosini,

ebantwini benyama, abangeke basindise.

4 Kuthi umoya wabo ungaphuma, babuyele emhlabathini;

mhlalokho nje amacebo ahle abhidlike.

5 Ubusisiwe lowo osizo lwakhe lunguNkulunkulu kaJakhobe,

othemba lakhe likuThixo uNkulunkulu wakhe.

6 UnguMenzi wamazulu lomhlaba,

ulwandle lakho konke okulapho:

uThixo owala elokhu ethembekile laphakade.

7 Uyabalwela abancindezelwayo

anike abalambileyo ukudla.

UThixo ukhulula izibotshwa,

8 uThixo wenza iziphofu zibone,

uThixo uyabaphakamisa labo asebebhazalele,

uThixo uthanda abalungileyo.

9 UThixo uyabalinda abezizweni

asekele izintandane labafelokazi,

kodwa anyampise izindlela zababi.

10 UThixo uyabusa nini lanini,

uNkulunkulu wakho, wena Ziyoni, ezizukulwaneni zonke.

Dumisani uThixo.