Isaac ana Tupuwa

1 Bada Sarah i kaobaiyoyobani wai i wosei. 2 Sarah i manawa God i wona wai maranai, kata Abraham i waraete ba natuna sebare i tuwei.[~1~] 3 Abraham natuna kana waba Isaac i yorei. 4 Ba maranai Isaac kana bodu i bi 8, wai Abraham Isaac sinina i bonai mekabage God i wona wai nanakasike.[~2~] 5 Abraham kana bodu 100 ba Isaac i tupuwa.

Hagar ba Ishmael si Pora Taveyisi

8 Ba pepeya i rakata ba i karamarei maranai Abraham kam kaikapona i wosei. 9 Kona maranai Egypt wasike natuna Ishmael Abraham karinai i tuwei wai Sarah natuna Isaac yabata si biyakwara. 10 Sarah i kinanisi wai Abraham kurina i wona, “Niko aba saibisaibira, natuna yabata kipora taveyisi. Niko wasike natuna kega natuku Isaac ana buderi mutuna ina yauni kona kega buderi sini yabei.”[~3~]

11 Abraham natuna Ishmael kairavina i nuwapoya. 12 Saba God Abraham i wonei i wona, “Kega natum ba am aba saibisaibira Hagar kairavisi kuni nuwayapoya. Sarah mekabage wata i wonim wai ke wosei. Au kaobiyoyobana wai Isaac murina kairavisi.[~4~] 13 Wasike patupatumina natuna sebare yebo gwabinai, dam kesana ana wosei ina tupuwa kairavina kona wai kom natum.”

14 Mara i tom wai Abraham i sukumara Hagar kam ba okowa i berei ba natuna yabatai pora taveyisi ba Beersheba kupura momnai si yewoyewo neubuwa.

<- Genesis 20Genesis 22 ->