2 SAMUWELA 8

Deibid Labi Ona Isileli Labenaa I Pakokovel

Sauga etega al, Deibid Pilistiya ge Mowabi i pakokovel, yaka hi minaa wana logugui gabulanaa. (puna 1-2)

I ola al, Soba wali kin Hadadesel alonau wana tolohaveyan Deibid i pakokovel. Sauga Alam gamagaliliyau bolo panuwa Damasiko hi nem tage Hadadesel nihi labe, yaka heliya al Deibid i pakokovel. Inoke hauna labi ebo Deibid ni noek, Yehoba i lalabe yaka i gagasisi ge ana topihigelgel i papakokovel. (puna 3-6)

Bugubugul bolo i oem haveyan elana gamwaliyaa, gold, kopa, ge silba i bwata. I ola al, labi Hamat wali kin natuna i patuna Deibid elana, yaka bugubugul gold, silba ge kopa elana hi ginoliliya i pek. Inoke gold, kopa ge silba bolo ya, Deibid i pwabwabwalena-agil Yehoba elana. (puna 7-12)

Deibid labi Idom gamagaliliyau ali gewi eitin tausan (18,000) i lolil, yaka wasana i bwata. Inoke hauna labi ebo Deibid ni noek, Yehoba i lalabe yaka i gagasisi ge ana topihigelgel i papakokovel. (puna 13-14)

Deibid wana Totuwalali Bwabwatal

15 Deibid i tabwa kin Isileli gegewel elal ge wana logulogugui i waisi ge i sapu. 16 Seluwaiya natuna Yowab, iya tolohaveyan wali tohouwa. Ahilud natuna Yehosapat, iya kin wana logugui ana tomatahikan ge ana towasa. 17 Ahitub natuna Seidok, ge Abaiyada natuna Ahimelek,* Abaiyada natuna Ahimelek Topapasikal enuna pana dimdim hi teli Ahimelek natuna Abaiyada. 1 Samuwela 22:16-23 nu kite. heliya hi topowon. Selaiya iya toleleli. 18 Yehoiyada natuna Benaiya, iya boda Keleti ge boda Peleti wali tohouwa. Ge Deibid natunau heliya hi ola topowon.* Heliya nige topowon hot i oola, kaiwena heliya nige un Libai gamagaliliyau i oola. Nige ta aatena hauna kaba tuwalali hi ginol ge i ola topowon wali tuwalali. Topapasikal enuna hi teli heliya Deibid wana totuwalali bwabwatal enuna. He tabam Hibilu vilanina ya ana sapu etega i ola to.

<- 2 SAMUWELA 7 2 SAMUWELA 9 ->