1 Bena Ḡaubada Iehova ese e haheitalaigu, ia ese kwadi e haboudia heḡaeḡaeva, rei matamatana e tubu louva negana ai; una na rei ena tubu iharuana, pavapava ena rei vada e utua murinai. 2 Unu kwadi ese tano reina vada e ania ore murinai, lau na hereva, nato:
4 Taunabunai Ḡaubada Iehova ese e haheitalaigu, na itaia, Ḡaubada Iehova ese hahemaoro e boilaia, lahi ḡauna; bena una lahi ese gadobada e hakaukauava bona tano e araiava. 5 Bena lau nato:
7 Ma e haheitalaigu, na itaia, Ḡaubada na gini-maoro varona amo e haginia habana badibadinai e gini, mai gini-maoro varona ta imana ai. 8 Bena Iehova ese e hereva henigu, eto, Amos e, dahaka o itaiamu? Lau nato, Gini-maoro varona ta. Bena Ḡaubada eto:
10 Bena Amasia, hahelaḡa tauna Betele ai, ese gwaukau e siaia, Ieroboam, Israel pavapavana, dekenai, eto, Amos ese oi ihadikamu dalana e karaia hatamu, Israel besena bogaraginai; tano taudia lalodia na asie heḡereḡere iena hereva iboudiai ihaheaukalaidia ai. 11 Badina be Amos na ini e gwau toma:
12 Bena Amasia ese Amos e hamaoroa, eto, Mata-hanai taumu e, aola, Iuda tanona ba heau lao, unuseni ai bavaniani bona ba peroveta; 13 a nega ta ai Betele ai basio peroveta lou, badina be ina na hanua pavapavana ena gabu helaḡana bona basileia ena dubu.
14 Bena Amos ese Amasia e haere henia, eto, Lau na dia peroveta tauna, bona dia peroveta tauna natuna. Lau na mamoe bona sukamore audia ireḡudia tauna; 15 bena Iehova ese manoe serina iḡavana amo e abigu. Bena Iehova ese e hamaorogu, eto, Aola, egu bese Israel ediai ba peroveta.