Salmo 128
128
Din Gon-gonan Di Mangipateg En Diyos
1 Din amin ay mangipateg en Diyos et nagasat da,
nagasat din mantongpal sin laydena.
2 Ganasenan to din bongan di obla na,
et naragsak ya mayat di biyag na.
3 Maiarig si asawa na sin beey da
si wakan di obas ay ad-adoy lames na.
Kaman saringit di olivo din an-ak da
ay malikob sin lamisaan da.
4 Din mangipateg en Apo et kaman nina di bindisyon da.
5 Si Diyos ay wadad Zion, sapay koma ta bindisyonan daka
ta din somigedan di Jerusalem yan en ka maila
sin timpo ay sibibiyag ka.
6 Din aap-om et edasam komas daida.