1 [a]ನೀವು ನಿಮ್ಮ ಅಪರಾಧಗಳ ಹಾಗೂ ಪಾಪಗಳ ದೆಸೆಯಿಂದ ಸತ್ತವರಾಗಿದ್ದೀರಿ. 2 ಪೂರ್ವದಲ್ಲಿ [b]ನೀವು ಇಹಲೋಕದ ಪದ್ಧತಿಗೆ ಅನುಸಾರವಾಗಿಯೂ, [c]ವಾಯುಮಂಡಲದಲ್ಲಿ ಅಧಿಕಾರ ನಡಿಸುವ ಅಧಿಪತಿಗೆ ಅಂದರೆ ಅವಿಧೇಯತೆಯ ಮಕ್ಕಳಲ್ಲಿ ಈಗ ಕೆಲಸ ನಡೆಸುವ ಆತ್ಮನಿಗನುಸಾರವಾಗಿ ಜೀವನ ನಡಿಸಿದ್ದೀರಿ. 3 ನಾವೆಲ್ಲರೂ ಪೂರ್ವದಲ್ಲಿ ಅವರ ಹಾಗೆಯೇ ಇದ್ದೆವು, [d]ಶರೀರಭಾವದ ಆಸೆಗಳಿಗೆ ಅಧೀನರಾಗಿ, ಶಾರೀರಿಕ ಹಾಗೂ ಮಾನಸಿಕ ಇಚ್ಛೆಗಳನ್ನು ಈಡೇರಿಸುತ್ತಾ ಬಂದೆವು. [e]ಸ್ವಭಾವತಃ ನಾವು ಸಹ ಇತರರಂತೆಯೇ ದೇವರ ಕೋಪಕ್ಕೆ ಗುರಿಯಾಗಿದ್ದೆವು. 4 ಆದರೆ [f]ಕರುಣಾನಿಧಿಯಾಗಿರುವ ದೇವರು [g]ನಮ್ಮನ್ನು ಪ್ರೀತಿಸಿದ ಮಹಾ ಪ್ರೀತಿಯ ನಿಮಿತ್ತ, 5 ಅಪರಾಧಗಳ ದೆಸೆಯಿಂದ [h]ಸತ್ತವರಾಗಿದ್ದ ನಮ್ಮನ್ನು ಕ್ರಿಸ್ತನೊಂದಿಗೆ ಬದುಕಿಸಿದನು. [i]ಕೃಪೆಯಿಂದಲೇ ನೀವು ರಕ್ಷಣೆ ಹೊಂದಿದವರಾಗಿದ್ದೀರಿ. 6 ಆತನು ಕ್ರಿಸ್ತ ಯೇಸುವಿನಲ್ಲಿ ನಮ್ಮೊಂದಿಗಿರುವ [j]ದಯೆಯ ಮೂಲಕ ತನ್ನ ಅಪಾರವಾದ ಕೃಪಾತಿಶಯವನ್ನು 7 ಮುಂದಿನ ಯುಗಗಳಲ್ಲಿ ನಮಗೆ ತೋರಿಸಬೇಕೆಂದು ಕ್ರಿಸ್ತಯೇಸುವಿನಲ್ಲಿರುವ ನಮ್ಮನ್ನು ಆತನೊಂದಿಗೆ ಎಬ್ಬಿಸಿ, [k]ಪರಲೋಕದಲ್ಲಿ ಯೇಸುಕ್ರಿಸ್ತನೊಂದಿಗೆ ನಮ್ಮನ್ನು ಕೂರಿಸಿದ್ದಾನೆ. 8 [l]ನಂಬಿಕೆಯ ಮೂಲಕ ಕೃಪೆಯಿಂದಲೇ ನೀವು ರಕ್ಷಣೆ ಹೊಂದಿದವರಾಗಿದ್ದೀರಿ. [m]ಈ ರಕ್ಷಣೆಯು ನಿಮ್ಮಿಂದುಂಟಾದದ್ದಲ್ಲ, [n]ಅದು ದೇವರ ದಾನವೇ. 9 [o]ಈ ರಕ್ಷಣೆಯೂ ಪುಣ್ಯಕ್ರಿಯೆಗಳಿಂದ ಉಂಟಾದದ್ದಲ್ಲ, [p]ಆದ್ದರಿಂದ ಹೊಗಳಿಕೊಳ್ಳುವುದಕ್ಕೆ ಯಾರಿಗೂ ಆಸ್ಪದವಿಲ್ಲ. 10 [q]ನಾವಾದರೋ ದೇವರ ಕಲಾಕೃತಿಯಾಗಿದ್ದೇವೆ, [r]ದೇವರು ಮೊದಲೇ ನಮಗಾಗಿ ಸಂಕಲ್ಪಿಸಿದ್ದ [s]ಸತ್ಕಾರ್ಯಗಳನ್ನು ಮಾಡುವವರಾಗಿ ಬದುಕಬೇಕೆಂದು ಯೇಸು ಕ್ರಿಸ್ತನಲ್ಲಿ ಸೃಷ್ಟಿಸಲ್ಪಟ್ಟಿದ್ದೇವೆ.
11 ಆದಕಾರಣ ಹಿಂದೊಮ್ಮೆ ನೀವು ಜನ್ಮದಿಂದ ಅನ್ಯಜನರಾಗಿದ್ದೀರಿ ಎಂಬುದು ನಿಮಗೆ ನೆನಪಿರಲಿ. ಶರೀರದಲ್ಲಿ ಮನುಷ್ಯನಿಂದ [t]ಸುನ್ನತಿಯನ್ನು ಮಾಡಿಸಿಕೊಂಡು ಸುನ್ನತಿಯವರೆನ್ನಿಸಿಕೊಳ್ಳುವವರಿಂದ ‘ಸುನ್ನತಿಯಿಲ್ಲದವರು’ ಎಂದು ಕರೆಯಲ್ಪಟ್ಟಿದ್ದೀರಿ. 12 ಅಂದು [u]ನೀವು ಕ್ರಿಸ್ತನಿಂದ ದೂರವಿದವರೂ, [v]ಇಸ್ರಾಯೇಲ್ಯರ ಹಕ್ಕಿನಲ್ಲಿ ಪಾಲಿಲ್ಲದವರೂ, [w]ವಾಗ್ದಾನಕ್ಕೆ ಸಂಬಂಧವಾದ ಒಡಂಬಡಿಕೆಗಳಲ್ಲಿ ಪರಕೀಯರೂ, ಯಾವ ನಿರೀಕ್ಷೆಯಿಲ್ಲದವರೂ ಮತ್ತು [x]ಲೋಕದಲ್ಲಿ ದೇವರಿಲ್ಲದವರೂ ಆಗಿದ್ದಿರೆಂಬುದನ್ನು ಜ್ಞಾಪಕಮಾಡಿಕೊಳ್ಳಿರಿ. 13 ಈಗಲಾದರೋ, [y]ಮೊದಲು ದೂರವಾಗಿದ್ದ ನೀವು ಕ್ರಿಸ್ತ ಯೇಸುವಿನಲ್ಲಿ [z]ಆತನ ರಕ್ತದ ಮೂಲಕ ಸಮೀಪಸ್ಥರಾಗಿದ್ದೀರಿ. 14 [aa]ನಿಮ್ಮನ್ನು ಮತ್ತು ನಮ್ಮನ್ನು ಒಂದುಮಾಡಿದವನಾದ [bb]ಆತನೇ ನಮಗೆ ಶಾಂತಿದಾತನಾಗಿದ್ದಾನೆ. ಆತನು [cc]ವಿಧಿನಿಯಮಗಳಿಂದ ಕೂಡಿದ್ದ ಆಜ್ಞೆಗಳುಳ್ಳ ಧರ್ಮಶಾಸ್ತ್ರವನ್ನು ನಿರರ್ಥಕಗೊಳಿಸಿ, ನಮ್ಮನ್ನು ಅಗಲಿಸಿದ್ದ ಹಗೆತನವೆಂಬ ಅಡ್ಡಗೋಡೆಯನ್ನು ತನ್ನ ಶರೀರದಿಂದಲೇ ಕೆಡವಿಹಾಕಿದ್ದಾನೆ. 15 ಆತನು ಸಮಾಧಾನವನ್ನುಂಟು ಮಾಡುವವನಾಗಿ, ಉಭಯರನ್ನೂ ತನ್ನಲ್ಲಿ [dd]ಒಂದುಗೂಡಿಸಿ ನೂತನ ಮಾನವನನ್ನಾಗಿ ನಿರ್ಮಿಸಿದ್ದಾನೆ. 16 ನಮ್ಮ ಮೇಲೆ ಇದ್ದ ಹಗೆತನವನ್ನು ತನ್ನ ಶಿಲುಬೆಯ ಮೇಲೆ [ee]ಇಲ್ಲವಾಗಿಸಿ, [ff]ಆ ಶಿಲುಬೆಯ ಮೂಲಕ ಉಭಯರನ್ನೂ ಒಂದೇ ಶರೀರವನ್ನಾಗಿ ಮಾಡಿ ದೇವರೊಂದಿಗೆ ಸಂಧಾನಪಡಿಸಿದ್ದಾನೆ. 17 ಇದಲ್ಲದೆ ಆತನು ಬಂದು ದೂರವಾಗಿದ್ದ ನಿಮಗೂ ಮತ್ತು ಸಮೀಪವಾಗಿದ್ದವರಿಗೂ ಸಮಾಧಾನವನ್ನು ಸಾರಿದನು. 18 ಇದರಿಂದ [gg]ಆತನ ಮೂಲಕ ಉಭಯತ್ರರು [hh]ಒಂದೇ ಆತ್ಮನಲ್ಲಿ [ii]ತಂದೆಯ ಬಳಿಗೆ [jj]ಪ್ರವೇಶಿಸಲು ಮಾರ್ಗವಾಯಿತು. 19 ಹೀಗಿರಲಾಗಿ ನೀವು ಇನ್ನು ಮೇಲೆ [kk]ಪರದೇಶದವರೂ ಅನ್ಯರೂ ಆಗಿರದೇ [ll]ದೇವಜನರೊಂದಿಗೆ ಒಂದೇ ಸಂಸ್ಥಾನದವರೂ [mm]ದೇವರ ಮನೆಯವರೂ ಆಗಿದ್ದೀರಿ. 20 [nn]ಅಪೊಸ್ತಲರೂ [oo]ಪ್ರವಾದಿಗಳೂ ಎಂಬ [pp]ಅಡಿಪಾಯದ ಮೇಲೆ [qq]ನೀವೂ ಮಂದಿರದೋಪಾದಿಯಲ್ಲಿ ಕಟ್ಟಲ್ಪಟ್ಟಿದ್ದೀರಿ. [rr]ಯೇಸು ಕ್ರಿಸ್ತನೇ [ss]ಮುಖ್ಯವಾದ ಮೂಲೆಗಲ್ಲು. 21 [tt]ಆತನಲ್ಲಿ ಕಟ್ಟಡದ ಎಲ್ಲಾ ಭಾಗಗಳು ಒಂದಕ್ಕೊಂದು ಹೊಂದಿಕೆಯಾಗಿ, ಕಟ್ಟಡವು ವೃದ್ಧಿಯಾಗುತ್ತಾ ಕರ್ತನಲ್ಲಿ [uu]ಪರಿಶುದ್ಧ ದೇವಾಲಯವಾಗುತ್ತದೆ. 22 [vv]ಆತನಲ್ಲಿ ನೀವೂ ಸಹ ಪವಿತ್ರಾತ್ಮನ ಮೂಲಕವಾಗಿ [ww]ದೇವರಿಗೆ ವಾಸಸ್ಥಾನವಾಗುವುದಕ್ಕೆ ನಮ್ಮ ಜೊತೆಯಲ್ಲಿ ಕಟ್ಟಲ್ಪಡುತ್ತಾ ಇದ್ದೀರಿ.
<- ಎಫೆಸದವರಿಗೆ 1ಎಫೆಸದವರಿಗೆ 3 ->-
a 2:1 ಕೊಲೊ 1:21; 2:13:
b 2:2 ಎಫೆ 4:17,22; 5:8; ಕೊಲೊ 3:7; 1 ಕೊರಿ 6:7,8:
c 2:2 ಎಫೆ 6:12; ಯೋಹಾ 12:13:
d 2:3 ಗಲಾ 5:16:
e 2:3 ಕೀರ್ತ 51:5; ರೋಮಾ. 5:12. 2 ಪೇತ್ರ 2:14:
f 2:4 ಎಫೆ 2:7; ತೀತ. 3:5:
g 2:4 ಯೋಹಾ 3 16:
h 2:5 ಕೊಲೊ 2:12,13; ಯೋಹಾ 14:19:
i 2:5 ಎಫೆ 1 8; ಅ. ಕೃ. 15:11:
j 2:6 ತೀತ. 3:4:
k 2:7 ಎಫೆ 1:21:
l 2:8 1 ಪೇತ್ರ. 1:5; ರೋಮಾ. 4:16:
m 2:8 2 ಕೊರಿ 3:5:
n 2:8 ಯೋಹಾ 4:10:
o 2:9 2 ತಿಮೊ. 1:9; ತೀತ. 3:5; ರೋಮಾ. 3:20,28:
p 2:9 1 ಕೊರಿ 1:29:
q 2:10 ಕೀರ್ತ 100. 3; ಯೆಶಾ 64:8:
r 2:10 ಎಫೆ 1:4:
s 2:10 ಎಫೆ 4:24; ತೀತ. 2:14:
t 2:11 ರೋಮಾ. 2:28,29; ಕೊಲೊ 2:11,13:
u 2:12 ಎಫೆ 5:8:
v 2:12 ಕೊಲೊ 1:21; ಗಲಾ. 2:15:
w 2:12 ರೋಮಾ. 9:4:
x 2:12 1 ಥೆಸ. 4:13:
y 2:13 ಎಫೆ 2:17; ಅ. ಕೃ. 2:39:
z 2:13 ಕೊಲೊ 1:20:
aa 2:14 ಗಲಾ. 3:28:
bb 2:14 ಮೀಕ. 5:5; ಕೊಲೊ 3:15:
cc 2:14 ಕೊಲೊ 1:21,22:
dd 2:15 ರೋಮಾ. 6:4:
ee 2:16 ಅಥವಾ, ಪರಿಹರಿಸಿ.
ff 2:16 ಕೊಲೊ 1:20-22:
gg 2:18 ಯೋಹಾ 14:6
hh 2:18 ಎಫೆ 4:4; 1 ಕೊರಿ 12:13 ಯೋಹಾ 4:23:
ii 2:18 ಎಫೆ 3:12; ರೋಮಾ. 5:2; ಯೋಹಾ 10:7,9
jj 2:18 ತಂದೆಯೊಟ್ಟಿಗೆ ಮಾತನಾಡಲು ಅಥವಾ ತಂದೆಯ ಪ್ರಸ್ನತೆಯಲ್ಲಿ ಸೇರಲು ಅಧಿಕಾರ ದೊರೆಯಿತು.
kk 2:19 ಎಫೆ 2:12; ಇಬ್ರಿ. 11:13, 13:14:
ll 2:19 ಫಿಲಿ. 3:20; ಇಬ್ರಿ. 12:22,23:
mm 2:19 ಗಲಾ. 6:10
nn 2:20 ಮತ್ತಾ 16:18; ಪ್ರಕ 21:14:
oo 2:20 ಎಫೆ 3:5; 4:11:
pp 2:20 ಅಥವಾ ಹಾಕಿದ.
qq 2:20 1 ಕೊರಿ 3:9:
rr 2:20 1 ಕೊರಿ 3:11:
ss 2:20 ಕೀರ್ತ 118:22; ಯೆಶಾ 28:16:
tt 2:21 ಎಫೆ 4:15,16:
uu 2:21 1 ಕೊರಿ 3:16,17:
vv 2:22 1 ಪೇತ್ರ. 2:5:
ww 2:22 2 ಕೊರಿ 6:16: