Zabura 126
Waƙar haurawa.
1 Sa’ad da Ubangiji ya dawo da kamammu zuwa Sihiyona,
mun kasance kamar mutanen da suka yi mafarki.
2 Bakunanmu sun cika da dariya,
harsunanmu da waƙoƙin farin ciki.
Sai ana faɗi a cikin al’ummai,
“Ubangiji ya aikata manyan abubuwa dominsu.”
3 Ubangiji ya aikata manyan abubuwa dominmu,
mun kuwa cika da farin ciki.
4 Ka maido da wadatarmu, ya Ubangiji
kamar rafuffuka a Negeb.
5 Waɗanda suka yi shuka da hawaye
za su yi girbi da waƙoƙin farin ciki.
6 Shi da ya fita yana kuka,
riƙe da iri don shuki,
zai dawo da waƙoƙin farin ciki,