SÒM YO

Liv I

1 Beni se nonm ki [~1~]pa mache nan konsèy

mechan yo

ni kanpe nan pa pechè yo, ni chita nan chèz mokè yo,

2 men [~2~]gran plezi li se [~3~]nan lalwa SENYÈ a.

Sou lalwa Li, li reflechi lajounen kon lannwit.

3 Li va tankou yon [~4~]pyebwa ki plante

bò kote flèv dlo ki bay fwi li nan sezon li.

Fèy li p ap janm fane, e tout sa li fè byen reyisi.

4 Mechan yo pa konsa.

Yo tankou [~5~]pay ke van an pouse ale.

5 Pou sa, mechan yo p ap kanpe nan chèz [~6~]jijman an,

ni pechè yo nan asanble ak moun dwat yo.

6 Paske SENYÈ a [~7~]konnen chemen

a sila ki dwat yo,

men chemen a mechan yo va disparèt.