alò kòman konsa mwen ta kab voye rega mwen sou yon vyèj?

2 Paske se kisa ki [~2~]pòsyon Bondye soti anwo a,

ak eritaj a Toupwisan an soti anwo a?

3 Èske li pa yon malè pou sila ki pa dwat yo,

ak yon dezas pou [~3~]sila ki fè inikite yo?

4 Èske Li pa [~4~]wè chemen mwen yo

e kontwole tout pa mwen yo?

5 “Si mwen te [~5~]mache nan sa ki fo,

e pye m te kouri dèyè twonpe moun,

6 (kite Li [~6~]peze mwen nan yon balans ki jis

e kite Bondye konnen entegrite m).

7 Si pa m yo te [~7~]vire kite chemen an,

oswa kè m te swiv zye m,

oswa si gen yon tach ki kole sou men m,

8 kite mwen [~8~]simen pou yon lòt ta manje,

e kite tout sa m plante vin rache.

9 “Si kè m te [~9~]sedwi pa yon fanm,

oswa mwen te mize nan pòtay vwazen mwen,

10 kite madanm mwen graje pou yon lòt

e kite [~10~]lòt yo vin kouche sou li.

11 Paske sa ta yon krim [~11~]sansyèl;

anplis, li ta yon inikite ki ta dwe jije.

12 Paske li ta yon dife ki pou limen jis rive nan [~12~]Sejou Lanmò yo

e ta derasine tout byen mwen ranmase yo.

13 Si mwen te [~13~]refize demand esklav mwen an,

gason kon fanm, lè l te fè yon plent kont mwen,

14 alò, kisa mwen ta kab fè lè Bondye leve?

Konsa, lè L rele m pou jijman,

ki repons mwen ta kab bay Li?

15 Èske [~14~]Sila ki te fè m nan vant lan pa t fè li menm tou?

Se pa Li sèl ki te fòme nou nan vant lan?

16 Si mwen te [~15~]anpeche malere yo nan dezi yo,

oswa te fè zye a vèv la pa wè klè,

17 oswa te manje pòsyon pa mwen pou kont mwen

san [~16~]òfelen an pa jwen ladann,

18 (Men depi jenès mwen, òfelen an te grandi avè m tankou papa l

e soti nan anfans lan, mwen te fè gid pou vèv la),

19 si mwen te wè yon moun peri akoz mank rad,

oswa ke [~17~]sila ak bezwen pa t gen anyen pou kouvri l,

20 si kè li pa t beni m,

si li pa t chofe ak lenn mouton mwen an,

21 si mwen te leve men m kont [~18~]òfelen an,

akoz mwen te wè soutyen mwen nan pòtay la,

22 alò, kite zepòl mwen tonbe sòti nan zepòl li,

e [~19~]bra m kase soti nan zo li.

23 Paske m pè anpil malè Bondye a.

Li tèlman gran ak [~20~]majeste,

m pa ka fè anyen devan L.

24 Si se nan [~21~]lò mwen te mete espwa m,

pou m te di lò fen a, ‘se ou ki konfyans mwen,’

25 Si mwen te [~22~]rejwi akoz byen mwen yo te tèlman gran,

e akoz men m te tèlman ranmase anpil;

26 si mwen te [~23~]gade solèy la lè l t ap brile,

oswa lalin nan lè li prale nan bèlte li,

27 epi kè m te vin sedwi an sekrè,

e men mwen te voye yon bo ki sòti nan bouch mwen,

28 sa osi ta yon inikite ki merite jijman,

paske mwen t ap [~24~]abandone Bondye anwo a.

29 Èske mwen te [~25~]rejwi lè lènmi m te vin disparèt nèt?

Oswa bat men m lè mal vin rive li?

30 Non, [~26~]mwen pa t kite bouch mwen peche,

ni mwen pa t mande pou l ta mouri avèk malediksyon.

31 Èske mesye nan tant mwen yo pa t di:

‘Ou pa p twouve yon moun ki pa [~27~]satisfè ak vyann pa li a?’

32 Etranje a pa t rete deyò;

mwen te ouvri pòt mwen yo a vwayajè a.

33 Èske m te [~28~]kouvri transgresyon mwen yo tankou Adam?

Oswa kache inikite mwen nan kè mwen,

34 akoz mwen te [~29~]krent gwo foul la?

Oswa akoz krent gwo wont lan devan lòt fanmi yo,

te kenbe silans mwen e pa t sòti deyò?

35 O ke m te gen yon moun ki pou tande mwen!

Gade byen, men otograf mwen! Kite Toupwisan an reponn mwen!

Mennen pwosè vèbal ke [~30~]akizè a te ekri.

36 Anverite, mwen ta pote l sou zepòl mwen;

mwen ta mare l sou mwen tankou yon kouwòn.

37 Mwen ta deklare a Li fòs kantite pa pye mwen yo pran.

Tankou [~31~]yon prens mwen ta parèt devan L.

38 Si menm [~32~]teren mwen an rele kont mwen,

e tout tranch li yo kriye ansanm;

39 si mwen te manje fwi li san lajan,

oswa te [~33~]kòz ke mèt li yo te pèdi lavi yo,

40 kite [~34~]pikan yo grandi olye ble

e zèb santi fò ranplase lòj la.”