1 Komi vevina nakae. Kokatetaagonēmi toinimi monemiyao yaidi goi[a] bego monemiyaoyadi nakona ame tuta Yaubada ina livala geya sikabikaoneeta go, neta kotugaumo, bei imi guinuwa dedevidi kaka goi itoboinemi nuwodi kokobaledi sinumisa. 2 Moe nakae unana imi sinapuyana maavadaina nakae ma wowooinina bogina sigite, tauna sinumisa. 3 Vevinayami komi taabu toluyemi ana pasapasa goi kovaapasēmi.[b] Nakae kunumi metametaina o pasapasa esaesa goura o ami kwama bego imi kaba nuwokabi. 4 Go sem atemi pasapasa vaatayaina goi kovaapasēdi nakae sakululu be nuwotokai. Moe sinapuyadi Yaubada atena. 5 Moitamo. Boi nimatu vevina kimaasabaidi Yaubada umana Tauyana ina katótula silootutae toinidi sivaapasedi ame nakae: Tauyadi sikatetaagonedi toinidi monediyao yaidi goi. 6 Serai nakae aba gita tayamo. Tauyana monena Eberamo ikabikaone nakae ikatomoyae. Ago neta imi guinuwa dedevidi be nakae geya tayaamo aba matoita komaatoite, e komi Seraiyana natunao nakae.
7 Komi koroto nakae alatuwokoimi. Mami nanamsa monemiyao taiyao kootuyūwo[~3~] go, konuuwāisi tauyadi neenetaidi. Tauyadi kowowooinēdi. Neta konuwaisi Yaubada ina kanuwóiya, moe yawoidi vau, bei sibabane kita koroto nakae. Nakae koguuinūwe, bei geya kada tayaamo kaga itoboine imi kawanoi isanabodedi geya.
8 E tauna latuwogu madabokimi nuwomi tayamo, semiyao idi lotówana nakae kolootowōidi, mami matakōi, mami nuwokapīsi, mami nuwotokāi, 9 tomota idi goyo yaimi taabu goyo goi kokatuumapūdi. O neta tomota sitagiwoimi, taabu tagíwaya goi kokatuumapūdi, go sem kokaipaakuyēdi. Nakae koguuinuwe unana moe manuna Yaubada iduduweda bego ikaipaakuyeda, e tauna nakae tauyadi takatumapudi. 10 Gínina Kimaasabaina nakae ilatuwokoida aipaku manuna, idigo kana,
madi wowoina Yeisu sikatomoyae
13 Moitamo nakae takatumapu. Avatau bei iyogedegedemi neta mami salau guinuwa dedevina koguuinuwe? Geya ae? 14 Go sem neta moitamo yogedegedemi unana komi Guyau nuwona ana tokibobwatayao, e tuwo ami dedevina bogina kobabane.[~4~] Aiseya ina bóbwara koguinūwe; tauyana idigo kana,
-
~5~ Ida Tomoya: Kidi Diyuu Yaubada yoina geya siivatoi, go sem kadi, ‘Tomoya.’ Tauna Pita ina buki goi neta latuwona kana, ‘Yauwe’, bei igini Tomoya. Ameko geya tayagoiyeta ina nuwonúwana ame Yauwe o Tomoya.
†3:15 Ais 8:13.
†3:18 Ais 53:11-12.
~8~ Dimoni: Da Giriki niyadi goi ame livalayana kadi, ‘Baloma.’ Ago ana yagoina geya imavadeta. Tayamo ana yagoina moe dimoni. Diyuu badabadaidi sinuwonúwana bego boi nimatu yaubada natunao Aba Vatowo 6:2 goi moe anerose go, Yaubada sikapipilave, e simasisi tomota vevina taiyao. Aiyuwoina itoboineda takaigavile kada, ‘Tomota balomaidi.’ Boi nimatu tomota Nowa ana tuta goi Yaubada sikapipilave. Aitonina nakona balomayadi moe vevina natudiyao. Boi nimatu vevinayadi yaubada natunao taiyao simasisi namliyeta vevinayadi sivenátuna, e balomayadi moe natudiyao (Abv 6:1-8).