32
Ojejavyague omboguepa rire oguerovy'aa ague
Mboraeirã Davi ombopara va'ekue nhanembo'e aguã.
1 Ovy'a ete 'rã heko vaiague omboguepaa va'e,
ojejavyague ojao'ipaa ma ramo.
2 Ovy'a ete 'rã ava ixupe Senhor “Heko vai va'e” nde'i ramo,
ipy'a re onhenhomi aguã noĩ va'e.[a]
3 Xee ma ajejavyague namombe'ui teri jave
xekãgue voi inhymave ovy ko'ẽ nhavõ xepoaẽ ramo.[b]
4 Mba'eta ara py ha'e pyávy xere aendu va'ekue ndepo poyia.
Ha'e ramo xembaraetea opa ovy kuaray puku py yy typaa rami.
5 Ha'e gui ma ajejavyague amombe'upa ndevy,
xereko vaia nanhomivei.
Xejeupe aipoa'e: “Amombe'u 'rã Senhor pe xereko vaia.”
Ha'e ramo remboguepa ajejavyague.
6 Ha'e ramo ndevygua kuery ha'e javi tojapukai ndevy
ndejou aguã ha'eve teria ja.
Ha'e rami vy ha'e kuery re yy tyguaxu ouvy teĩ ndoguerovyi 'rã.
7 Ndee ma anhemiaty.
Xereraa jepe 'rã ajexavaia gui,
ha'e xereraa jepeague re remoĩ avy'a reve rogueroporaei aguã.
8 Aipo're: “Romo'arandu ha'e rombo'e 'rã tape reo aguã re.
Ndere ama'ẽ ha'e romongeta 'rã.
9 Kavaju, mburika rami e'ỹ eme eiko.
Ha'e kuery ijuru xã, e'ỹ vy hova regua reve vy 'rãe rereko.
Ha'e rami e'ỹ ramo ndoikoi 'rã reipotaa rami” 're.[~3~]
10 Heko vai va'e ma ojexavai ete 'rã.
Ha'e rã Senhor re ojerovia va'e ma omboaxya rupi 'rã oguereko.
11 Pendereko porã va'e, perovy'a ke Senhor , pevy'a ete.
Pevy'aa rupi peporaei atã,