2
Pira rye py Jonas oĩa gui ojapukaiague
1 Ha'e gui Jonas ma pira rye py oĩa gui ojerure
2 Ha'e vy aipoe'i:
— Ajexavai vy ajapukai Senhor pe.
Ha'e ramo xembovai.
Pytũ vaikue reia gui ajapukai ramo
ndee rendu xeayvua.
3 Mba'eta ndee ae xemombo uka ye'ẽ typya py,
ye'ẽ mbyte py.
Ha'e ramo yy oxyry atã vy xejoko.
Ndeguigua yai opu'ã-pu'ã vy oaxa tema xe'áry rupi.
4 Ha'e ramo xee aipoa'e:
“Xemombo ma rexaa gui mombyry.
Xapy'a rei nda'u aexa ju 'rã ri
ndevygua templo iky'a e'ỹ va'e?”
5 Yy xeao'i xerekovea peve,
yy typya ma xejoko.
Yxypo ikuai va'e onhemama xeakã rupi.
6 Yvy'ã guy py peve aguejy avy,
yvy peve ete aguejy.
Ha'e nunga raka'e rã peve xe'áry rupi xejokopa ta va'ekue.
Ha'e rami teĩ omanogue ikuaia gui ndee renoẽ ju xerekovea,
7 Xeryepy py xenhe'ẽ oĩ va'e ikangy ramo
xema'endu'a Senhor re.
Ha'e vy ajerurea re aroma'endu'a ndea py,
Ndevygua templo iky'a e'ỹ va'e py ae.
8 Amongue mba'emo ra'angaa pe rive ojeko me'ẽ vy
ojepe'a imboaxyarã va'ekue gui.
9 Ha'e rã xee ma avy'aa amonhendu reve
ame'ẽ 'rã mba'emo ndevy,
ha'e ajapo 'rã va'ekue ajapopa nho 'rã — he'i.
10 Ha'e gui ma pira pe