1 ኢቲ ፃፄቶ ማፃፋይ [a] ካዉቴꬃ ኦይዲያን ኡቴዳዋ ኡሼቻ ኩሺያን ዴዒያዋ ቤዓዲ፤ ሄ ፃፄቶ ማፃፋይ ላዑ ባጋናካ ፃፌቲ ኡቴዳ፤ ቃሲ ላፑ ማታፋይ ኣ ቦላ ኣታሜቴዳ። [b] 2 ታኒ ኢቲ ዎልቃማ ኪታንቻይ ባሬ ቃላ ꬎቁ ኡዲዴ፥ «ማታፋ ዶዪዴ፥ ፃፄቶ ማፃፋ ቢላናው ቤሲያ ኡራይ ኦኔ?» ያጊዴ፥ ኣዋጂያዋ ቤዓዲ። 3 ሳሉዋን ጊዲና ዎይ ሳዓን ጊዲና፥ ዎይ ሳዓፔ ጋርሳን [~3~] ጊዲና፥ ሄ ፃፄቶ ማፃፋ ቢላናው ዎይ ኣ ጊዱዋ ፄላናው ኦኒኔ ቤሲያዌ ባዋ።

4 ፃꬃ ማፃፋ ቢላናው ዎይ ኣ ጊዱዋ ፄላናው ቤሲያ ኡራይ ባይና ዲራው፥ ታኒ ዳሮ ዬካዲ። 5 ጪማቱዋፔ ኢቱ ታና፥ «ዬኮፓ፤ ቤዓ፥ ዪሁዳ ዛሪያ ጊዴዳ ጋሙ፥ ዳዊቴ ዛሪ ፆኔዳ። ኢ ማታፋ ዶያናዉኔ ፃፄቶ ማፃፋ ቢላናው ቤሴ» ያጌዳ። [~4~]

6 ታኒ ካዉቴꬃ ኦይዲያፔ፥ ዴዑዋን ዴዒያ ኦይዱ ሜꬌታቱዋፔኔ ቃሲ ጪማቱዋፔ ጊዱዋን፥ ሹኬቴዳ ዶርሳ ማላቲዴ ኤቄዳዋ ቤዓዲ፤ ኣው ላፑ ካጬቱኔ ላፑ ኣይፌቱ ዴዒኖ። ሄዋንቱ ኣላሚያ ኡባ ኪቴቴዳ ፆሳ ላፑ ኣያናቱዋ። [~5~] 7 ሄ ዶርሳይ ቢዴ፥ ካዉቴꬃ ኦይዲያ ቦላ ኡቴዳዋ ኡሼቻ ኩሺያፔ ፃፄቶ ማፃፋ ኣኬዳ። 8 ኢ ሄ ፃፄቶ ማፃፋ ኣኬዳ ዎዴ፥ ዴዑዋን ዴዒያ ኦይዱ ሜꬌታቱኔ ላታማኔ ኦይዱ ጪማቱ ኣ ሲንꬃን ኩንዴዲኖ። ኡንቱንቱ ሁጲያን ሁጲያን ዲꬃኔ ኢፃናይ ኩሜዳ ዎርቃ ሚሻ ኦይቄዲኖ። ሄ ኢፃናይ ጌሻቱ ፆሳ ዎሲያዋ። [~6~] 9 ኡንቱንቱ፥