2 Kin 4

Ilaisa, Sunem Waihinna fafagogona ya Saguhi

2 Kin 4:8-11, 14-17

8 Fuya hesa Ilaisa ya lau Sunem.[a] Amainiya mate waihin fafagogona hesa ya miyamiya, ya liba be Ilaisa ya laoma ya kalahe ena luma yai be yena fuya hesa ya fuyo haba ainiya ya anꞌan. 9 Waihin ya libalau lahuna lisina iyen,

E siba taumoho ya laolaoma te, Yaubada ena fatabu dogana. 10 Haga bili kiukiu ai luma hewana ta ginauli be aba enoꞌeno, na hatahata, aba taꞌataꞌai yo lampa te toledi be taumohona yena ya laoma haba ainiya ya miya.[b]

11 Fuya hesa Ilaisa ya fuyo Sunem. Ya hasai ena bili be ya eno.

14 Muli yai Ilaisa ya fatiꞌo lau ena tau paisowa Gehasi lisina, iyen,

Somo haba E ginauli, enehena?

Gehasi iyen,

Hige natuna, yo lahuna ya tautaulaꞌi.[c]

15 Ilaisa iyen,

U yogaiyama.

Yo fede ya yogai na ya laoma be Ilaisa ena bili aba luhuluhu launa yai ya obiyo.

16 Ilaisa ya libalau waihin lisina iyen,

Bolima hesa, maihalana doha ite haba natum wa labalabai.

Na waihin wa Ilaisa alinana ya bui iyen,

Egu baꞌisa, higeꞌe! Um Yaubada ena peloweta be tabu em tau paisowa u bwalai!

17 In moho ya fawananaha mate waihin ya boga doha haꞌa bolimanna Ilaisa ya libaen mate maihalana yai natuna ya yosi.

Dodoga 100 Ilaisa ya fakalahedi

2 Kin 4:42-44

42 Taumoho hesa Baꞌala-Salisa taonna yai ya laoma. Bali anaho bwaꞌibwaꞌidi yai fwalawa sa gabudi mate 20 ya abidi, yo bali tumadi hinaga ya abidi, be ya ledima,[d] Ilaisa ana ya felen. Yo fede Ilaisa ya libalau ena tau paisowa lisina, iyen,

Dodoga u feledi ti andi.

43 Na tau lau fayofayo ya liba iyen,

Ii–yui, kalahe te hige dodoga 100 gonowadi.

Ilaisa alinana ya bui iyen,

Guyau ya liba iyen, “Haba sa anꞌan ee–, bogadi sa yahayaha na ota fahidi u feledi.”

44 Yo fede tau lau fayofayo, kalahe dodoga ya feledi sa andi. In moho sa an toledi doha haꞌa Guyau ya libaen.

<- 2 Kin 3 2 Kin 5 ->