15
Ludayãdari yã'ona
Dauda lɛ̀.
1 Dii, dé bé à zɛ́ vĩ à gɛ̃ n bɛ ua?
Dé bé eé fↄ̃ àgↄ̃ kú n kpiii musuu?
2 Gbɛ̃ kɛ̀ ègↄ̃ kuu taari sai,
è yã kɛ a zɛ́a,
è yãpuraa o zaa a nↄ̀sɛn.
3 È yã di gbɛ̃kearo,
è taari kɛ a gbɛ̃daaanɛro,
è a gbɛ̃ndoo sↄ̃sↄ̃ro.
4 È kya ká ludayãdarisainↄn,
è bɛ̀ɛ li ludayãdarinↄnɛ,
è a lùsɛna papa, baa tó à kɛ̀nɛ zĩ'ũ.
5 È ↄↄ sɛ̃kãńnɛ a dialɛna yãnziro,
è bↄ taarisaidee kpɛɛ ↄdↄnkpɛɛgba yãnziro.