2
Yunusa aduakɛna kpↄ̀ gbɛɛɛn
1 Zaa kpↄ̀ pì gbɛɛɛn Yunusa wɛ́ɛ kɛ̀ Dii a Ludaa à bè:
2 Ma lɛ́ zù Diizi ma kagurakɛna guu,
ben à wèmala.
Zaa gɛ̀wãa lↄ̀n ma wii pɛ̀,
ben à ma yã mà.
3 N ma zu ísia lↄ̀n
ai zaa à guragura,
ísↄ̃ dìdima kↄ̃n à kakanao,
n ísↄ̃kana fùta táa ò ma mìla.
4 Ma bè n pɛma bↄna n kiia,
mↄde mɛ́ ɛara mà wɛ́ɛ si
n kpɛ́ kɛ̀ kú adonalɛ.
5 Í ma kũ ma waalɛ,
í lↄ̀ ma mↄ,
burugu fĩ̀kã ma mìzi.
6 Ma kpaɛ ai kpiiinↄ kãsãazi,
tↄↄtɛ zɛ́ kɛ̀ wɛ̃na vĩroo tàtamalɛ.
Ben n ma bↄ gɛ̀wãan,
n ma mì sì Dii ma Luda.
7 Kɛ̀ má yezi mà anduna tó,
Dii, n yã dↄ̀magu,
ben ma wɛ́ɛ kɛ̀mma,
à n kii le ai n kpɛ́ kɛ̀ kú adonan.
8 Gbɛ̃ kɛ̀ aↄ̃ pↄ́ gina yã kũnanↄ kɛ̃̀ Luda aubarikaa,
9 mapi sↄ̃, mɛ́ saa omma kↄ̃n sáabukɛnao,
mɛ́ lù kɛ̀ má sɛ̀nnɛɛ fĩa bo.
Dii bé è ń mì sí.