142
Aduakɛna gbɛ̀wɛɛn
Dauda aduakɛna gↄrↄ kũ à kú gbɛ̀wɛɛn.
1 Matɛn ↄ́ gbãna dↄ Dikirinɛ,
matɛn wɛ̃nda wiki lɛ́ Dikiria.
2 Matɛni ma yã'ũmmana bↄtɛnɛ,
matɛni ma warikɛna gbãnɛ.
3 Tó ma nɛ̀sɛɛ yàka manamana,
mↄkↄ̃n, ndìgↄ̃ ma gɛ̀sɛsɛna dↄ̃.
Ò tankutɛ kpàkpamɛnɛ ma zɛ́n.
4 Ǹ wɛ́ sɛ́ ǹ ma ↄpla gwa,
gbɛ̃ke dì ma yã daro.
Má naki vĩ doro,
gbɛ̃ke dì ma aafiaa gbɛkaro.
5 Dikiri, matɛn wiki lɛ́mma ma pì:
Mↄkↄ̃mmɛ ma utɛki ũ,
mↄkↄ̃mmɛ ma baka ũ andunian.
6 Ǹ sã kpá ma wikilɛnaai,
zaakũ ma gↄ̃ múkumukumɛ.
Ǹ ma sí gbɛ̃ kũ òtɛn pɛ́manↄa,
zaakũ ń gbãna demala.
7 Ǹ ma bo kagura díkĩnan,
de mà n tↄ́ bo,
gbasa gbɛ̃ mananↄ likamai