83
Isailiↄ ń ibɛɛↄ kaa Luawa
1 Asafa lɛ.
2 Lua, ńsu ǹyↄ̃ nílɛao,
ń lɛ́ su àↄ kpaaũao,
ńsu ǹyↄ̃ ku kílikilio, Lua.
3 Ǹ ń ibɛɛↄ gwa, asa aalɛ kãa,
n wɛ̀lɛpiↄ lɛ́ ń mi fu.
4 Aalɛ ↄ̃nↄsↄpɛ́lɛ n gbɛ̃́ↄnɛ,
aalɛ lɛkpaaĩ ń yenzideↄzi.
5 Aalɛ mɛ: À mↄ wà ń buibↄ,
an tↄ́ Isaili su àↄ dↄ gbɛ̃egu lↄo.
6 Aa lɛkpàaĩ, an lɛ́ kↄ̃sɛ̀,
aa lɛdoũkɛ̀ ń kↄ̃o aa fɛlɛnnↄ.
7 Ɛdↄũↄ ń Isimaɛla buiↄ
ń Mↄabuↄ ń Hagaa buiↄ
8 ń Gebalideↄ ń Amↄniↄ
ń Amalɛkiↄ ń Filitɛ̃ↄ ń Tiideↄ.
9 Baa se Asiliↄ nàmá lↄ,
aalɛ ↄda Lↄtu buipiↄwa.
10 Kɛnɛ́ lá ń kɛ̀ Madiãↄnɛwa,[a]
lá ń kɛ̀ Sisela ń Yabɛ̃oɛ Kisↄ̃i.[b]
11 N ń kɛ́ kɛ́lɛkɛlɛ Ɛndoo,
aa gↄ̃̀ kálɛa tↄↄlɛ lán pↄgbↄ̃wa.
12 Kɛ ń gbɛ̃zↄ̃ↄↄnɛ
lá wa kɛ̀ Olebu ń Zeebuoɛwa.[c]
Kɛ ń kíaↄnɛ
lá wa kɛ̀ Zɛba ń Zalemunaoɛwa.[d]
13 Ampiↄ mɛ́ ò yãa aa mɛ̀,
wà Lua dã́dãkɛkĩi sɛ́ ń pↄ́ ũ.
14 Ma Lua, to aa gↄ̃ lakɛɛ ũ
lán ése ṹa pↄ́ ĩ́ana ì sɛ́lɛwa.
15 Lá dào ì tɛ́kũ,
ge lá tɛ́ ì gbɛ̀sĩsĩ sãsã,
16 pɛ́lɛńzi ń n zàao màa,
n ĩ́an pãsĩ i to sↄ̃ kɛ̃́ńgu.
17 To an gɛɛ gↄ̃ kpá ń wɛ́i,
aai n gbãa dↄ̃ Dii.
18 Wí líↄ ń kṹ gↄↄpii ń bílio,
aa kpɛbↄ aa midɛ,
19 kɛ́ aa e dↄ̃ kɛ́ n tↄ́n Dii,