Soũↄ 54

Gbɛ̃́ pↄ́ wàlɛ ĩadawà wabikɛa

1-2 Lɛ pↄ́ Davidi dà gↄↄ pↄ́ Zifideↄ gɛ ò Sauluɛ aa mɛ̀ Davidi ulɛa ń bùsuu.[~1~]

3 Lua, ma suaba n tↄ́ yã́i,

yã́simanↄ ń n gbãao.

4 Lua, ma wabikɛama ma,

swã́kpa ma yã'oai.

5 Asa buipãleↄ fɛ̀lɛmanↄɛ,

gbɛ̃́ pãsĩpiↄ lɛ́ ma wɛ,

aali Lua yãdao.

6 Lua mɛ́ ma dↄnlɛde ũ,

Dii mɛ́ ma wɛ̃nikũna ũ.

7 Gbɛ̃́ pↄ́ lɛ́ ma wɛↄ vãi sↄaamá,

ǹ ń bãdɛ n náai yã́i.

8 Má sa'oma ń ma pↄeãoɛ,

má n tↄbↄ Dii, asa ń maa.

9 À ma bↄ ma yooyea píi guu,

a tò ma tidↄ̀ ma ibɛɛↄla.