1 Ma yãnakpaa Lua,

zɛmanↄ bui gbɛ̃kɛsaide yã́ musu,

ma bↄ gbɛ̃vãi koleapiↄ ↄzĩ.

2 Lua, ḿmɛ ń ma ulɛkĩi ũ,

bↄ́yãi n gimazii?

Bↄ́yãi ń tò miↄ bɛ oosisia

wɛ́tɛ̃a pↄ́ ma ibɛɛ lɛ́ mↄmɛɛ yã́ii?

3 Ǹ n gupua ń n sĩanao zĩa,

i dↄaamɛɛ e n gbɛ̀sĩsĩ musu,

i gɛmanↄ e n kúkĩi we.

4 Mí gɛ́ n gbagbakĩi Lua,

ma pↄ i kɛma na, Lua ma pↄna,

mí n tↄbↄ ń mↄↄnao, Lua ma Lua.

5 Bↄ́yãi ma sↄ̃ ↄ̃̀ↄkpài?

Bↄ́yãi ma nↄ̀sɛ yài?

Máↄ wɛdↄ Luazi,

asa má ɛa màↄ aà táasilɛ,

ma Suabana, ma Lua.

<- Soũↄ 42Soũↄ 44 ->