Soũↄ 20

20

Zĩblea wabikɛa

1 Davidi lɛ.

2 Dii sinnↄ n yeelɛa guu,

Yakↄbu buiↄ Lua n sɛ lɛsĩ.

3 Kua za aà kúkĩi a n suaba,

kua za Siↄna a dↄnlɛ.

4 Aà n sa'oa píi sí,

n sa'obↄↄ i dↄaàgu.

5 Aà pↄ́ pↄ́ n pↄ gbà kpama,

aà to ǹ yã́ pↄ́ ńlɛ yá le,

6 wí gulakɛ zĩ pↄ́ ń blè yã́ musu,

wí dàlapoo da ń wá Lua tↄ́o.

Dii wabi pↄ́ ń kɛ̀ sinnↄ píi.

7 Má dↄ̃̀ sa Dii ì kía pↄ́ a kpà suaba,

ì siaànↄ za a bɛ pↄ́ a kua adoau,

i to aà zĩble ń a gã̀sa gbãao.

8 Gbɛ̃eↄ ì zĩkasↄ̃goↄ náaikɛ,

gbɛ̃eↄ ì sↄ̃́ↄ náaikɛ,

wápiↄ sↄ̃, Dii wá Lua náai wi kɛ.

9 Ampiↄ, aa kúlɛ aa lɛ́lɛ,

wápiↄ sↄ̃ wáↄ zɛa gíũgiũɛ.

10 Dii, to kí zĩble,

tó wa lɛzùnzi, síwanↄ.

<- Soũↄ 19 Soũↄ 21 ->