1 Ma dↄ̃́a Lua,

ḿmɛ ma nanzi.

2 Má ò Diiɛ ma diin n ũ,

ḿmɛ ń ma aafia ũ.

3 N gbɛ̃́ pↄ́ kú ma bùsuuↄ

mɛ́ dɛ gawide pↄ́ ì kamaguↄ ũ.

4 Gbɛ̃́ pↄ́ aaì wã gɛ́ tã́a kĩ́iↄ

aaì yã'ↄ̃ma kpá ńzĩaziɛ.

Má sa'o'i tↄ̃́lɛńnↄo,

wa ń tã́aↄ tↄ́ ma ma lɛ́uo.

5 Dii, n ma ka ma baawa,

ma wɛ̃ni ku n ↄzĩɛ.

6 N kↄↄ dàmɛɛ gumaau,

gba pↄ́ ń dàmɛɛ kàmagu.

7 Má Dii táasilɛ kɛ́ ì lɛdaa,

baa gwã́ ì to ma sↄ̃ ma gba laai.

8 Miↄ Dii e ma wɛ́u gↄↄpii,

lá a kumanↄ, má kpaguao.

9 Bee yã́i ma pↄ ìↄ na,

ma nↄ̀sɛ ìↄ yáalↄ,

ma wɛ́ dↄi lↄ ma mɛ aↄ ku aafia.

10 Asa ńyↄ̃ ma to miauo,

ńyↄ̃ we n yãmana yaikɛo.[a]

11 N ma ka wɛ̃ni zɛ́wa,

n kĩ́i pↄna ìↄ pɛɛau,

pↄmaaↄ ku n ↄzĩ gↄↄpii.[b]

<- Soũↄ 15Soũↄ 17 ->