Soũↄ 14

14

Mìsaide yã'oa

(Soũ 53)

Davidi lɛ.

1 Mìsaideↄ ì o ń sↄ̃ guu Lua kuo.

Aa ↄ̃̀ↄkpà, an yãkɛa vãi,

yãmaakɛna kú ń guuo.

2 Za musu Dii ì wɛ́tɛ gbɛ̃nazĩnaↄzi,

ì gwa tó gbɛ̃e ↄ̃nↄ kà a kĩ́i wɛɛlɛa.

3 Aa sã̀sã píi, aa gↄ̃̀ dↄ̀ↄsai míↄmiↄ,

yãmaakɛna kuo, baa do.[a]

4 Vãikɛna wɛ́ lí gu'eo lé?

Aaì ma gbɛ̃́ↄ mↄ́mↄ lán úwa,

aali lɛzu Diizio.

5 Gwa, vĩa a ń kṹ we maamaa,

asa Lua a zɛ ń gbɛ̃maaↄ.

6 Vãikɛna ì kpa taasideɛ a pↄeãu,

kási sↄ̃ Dii mɛ́ taaside ulɛkĩi ũ.

7 Lua, bↄ Siↄna mↄ ǹ Isailiↄ bↄ!

Tó Dii sù ń a gbɛ̃́ↄ ń pá ziu,

Yakↄbu buiↄ pↄnakɛ,

Isailiↄ yáalↄ.

<- Soũↄ 13 Soũↄ 15 ->