Soũↄ 130

130

Wɛdↄa Diizi

Gɛa Yelusalɛũ lɛ.

1 Kɛ́ í ma kũa ma nↄɛ

ma lɛzù Diizi ma mɛ̀,

2 Dii, ma yãma,

swã́kpa ma wɛ̃na wiii.

3 Tó n wá duuna yãdà,

Dii, démɛ a bↄi?[a]

4 Ḿmɛ ń duunakɛ̃ama zɛ́ vĩ,

Ayãmɛto wìↄ n vĩa vĩ.[b]

5 Ma wɛ́ ìↄ dↄ Diizi,

málɛ aà dã́, má sↄ̃́a aà yã́i.

6 Lá gudↄ̃anaↄ wɛ́ ìↄ dↄ gudↄai,

ma wɛ́ ìↄ dↄ Diizi dɛńla,

ao, a dɛ gudↄ̃anaↄ wɛdↄa gudↄaia.

7 Isailiↄ, àↄ wɛdↄ Diizi,

asa a gbɛ̃kɛ vĩ à kɛ̀ zài,

gbɛ̃suabaa gbãa pɛɛwà maamaaɛ.[c]

8 Aàpi mɛ́ a Isailiↄ suaba

an duuna yã́ musu píi.[d]

<- Soũↄ 129 Soũↄ 131 ->