Soũↄ 129

129

Isailiↄ savãi'oa ń ibɛɛↄnɛ

Gɛa Yelusalɛũ lɛ.

1 Za wá ɛ̀waasogↄↄ

wà íbɛlɛsɛ̀wanↄ maamaaɛ.[a]

Isailiↄ o:

2 Za wá ɛ̀waasogↄↄ

wà íbɛlɛsɛ̀wanↄ maamaaɛ,

kási wi fↄ̃ wà wá fúo.[b]

3 Wà wá gbɛ̃́ wá kpɛnanguo bì

wèlelewelele lán sàdↄↄwa.

4 Dii maa,

à gbɛ̃vãipiↄ ba zↄ̃̀wá.

5 Gbɛ̃́ pↄ́ za Siↄnaguↄ kpɛkpa ń wíoɛ.

6 Aaↄ dɛ lán sɛ̃ pↄ́ bↄ̀lɛ kpɛ́ musu

à giigàga, i e gbã̀owaɛ.

7 A sɛ̃̀kɛ̃na ↄkũ pao,

a ka bàaa ũ wà ye wà da ń gã̀uo.

8 Gbɛ̃́ pↄ́ lɛ́ gɛ̃ↄ mɛ Dii báaadanguo

ge wa báaadàngu ń Dii tↄ́oo.

<- Soũↄ 128 Soũↄ 130 ->