102
Yɛ̃̀ɛɛsaide wabikɛa
1 Wɛ̃nade yɛ̃̀ɛɛsaide pↄ́ lɛ́ a yã'ↄ̃maↄ bↄlɛ Diiɛ wabikɛa.
2 Dii, ma wabikɛa ma,
to ma wiilɛama ká.
3 Ńsu bↄ ma kpɛ ma taasikɛgↄↄo,
swã́kpamazi.
Tó ma lɛzùnzi, wea kpakpa,
4 asa ma gↄↄ lɛ́ gɛ̃ lán súɛlɛwaɛ,[a]
ma mɛ lɛ́ pusu bↄ lán tɛyↄ̃wa.
5 Ma sↄ̃ lɛ́ wo,
málɛ ibaba lán sɛ̃wa,
blɛblea yã́ lí dↄmagu mà bleo.
6 Ma aaukɛa mɛ́ tò
ma gↄ̃ wákambaau ũ.
7 Ma gↄ̃ lán gbáa gbaonawa,
lán bɛzia koowa.
8 I lí gɛ̃ ma wɛ́uo
lán bã mɛ̀ndona pↄ́ pɛ́ kpɛ́ musuwa.
9 Ma ibɛɛↄ ìↄ ma sↄ̃sↄ̃ gↄↄpiiɛ,
ma láanikɛnaↄ ì gbɛ̃́ ká ń ma tↄ́o.
10 Túfu mi ble blɛ ũ,
ma wɛ́'i ì ka ma imia guu
11 n pↄkũma ń n kpɛ̃nɛo yã́i,
asa n ma sɛ n ma pãlɛɛ.
12 Ma wɛ̃ni lɛ́ gɛ̃zɛa lán uenawa,
ↄ̃ málɛ giigaga lán sɛ̃wa.
13 Mpi Dii, ń zↄ̃lɛa báawa gↄↄpii,
ńyↄ̃ↄ dɛ tↄde ũɛ e wá buiwa.
14 Ńyↄ̃ fɛlɛ wɛ̃nadↄ̃ Siↄnaɛ,
asa n sùuukɛaaànↄ gↄↄ kà sa.
15 Aà gbɛↄ kɛ̀ n zↄ̀blenaↄnɛ maa,
aà daaĩa ìↄ kɛwɛ̃ɛ wɛ̃naɛ.
16 Bui píi a vĩakɛnɛ, Dii,
dṹnia kíaↄ gawi dↄ̃nɛ ḿpii.
17 Asa Dii a ɛa Siↄna kálɛ lↄ,
i bↄ mↄ́má we ń gawio.[b]
18 A gbɛ̃́ pↄ́ gↄ̃̀ yↄ́ↄyↄↄↄ wabikɛa sí,
a ń wiilɛawa kpa swã́ao.
19 Wa yã́pi kɛ̃ ziadeↄ yã́iɛ,[c]
gbɛ̃́ pↄ́ kuopiↄ i Dii táasilɛ.
20 Dii wɛkpàlɛ zĩ́lɛ za a kúkĩi,
kua za musu à wɛzù tↄↄlɛ,
21 kɛ́ à e gbɛ̃́ↄ zↄblewii ma,
i ń bↄ ga lɛ́zĩ yã́i,
22 wi Dii tↄbↄ Siↄna,
wi aà táasilɛ Yelusalɛũ.
23 Gↄↄ bee bùsu píi gbɛ̃́ↄ kãaa we,
bùsu píi gbɛ̃́ↄ mↄ misiilɛiɛ̀.
24 Kua ma sápaagↄↄ à ma busa,
à ma wɛ̃ni kulun kṹ.
25 Ɔ̃ ma mɛ̀: Ma Lua,
ńsu ma sɛ kpóoo,
n gbɛ̃́ bee, n wɛ̃ni láaa vĩo.
26 N tↄↄlɛ kàlɛ za asĩnizĩ,
musuá n ↄzĩkɛaɛ.
27 Ampii a gɛ̃, ãma ńyↄ̃ↄ kuɛ.
Aa zikũ lán pↄkasawa píiɛ,[d]
ńyↄ̃ ń lilɛ lán ulawa aa gɛ̃lɛ.[e]
28 Mpi sↄ̃ ńyↄ̃ↄ doũ gↄↄpiiɛ,
n gↄↄ láaa vĩo.[f]
29 N zↄ̀blenaↄ nɛ́ↄ zɛdↄ,