4
Gbɛ̃zↄ̃ↄ lɛdama
1 Ma nɛ́ↄ, à gbɛ̃zↄ̃ↄ lɛdama ma,
à á laai kpálɛ kɛ́ à e àↄ dↄ̃a vĩ.
2 Dↄ̃a súsu málɛ daɛ́,
ásu pãkpa ma yãdanɛio.
3 Kɛ́ má kú nɛ́ ũ ma mae ↄzĩ,
má busɛ ma da nɛ́ mɛ̀ndona ũ.
4 Ma mae yãdàmɛɛ à mɛ̀:
Ǹyↄ̃ ma yã́ kũa n sↄ̃u,
ma yãdilɛnɛↄ da, n kua iↄ na.
5 Ɔ̃nↄkũ, ǹyↄ̃ dↄ̃a vĩ,
asu sãngu ǹ pãalɛ ma yã́ɛo.
6 Ńsu pãkpa ↄ̃nↄio, a n dↄ̃́a,
ǹyↄ̃ yeaàzi, a ↄkunla.
7 Ɔ̃nↄkũ, ↄ̃mɛ yã́pii mi ũ,
dↄ̃a wɛɛlɛ ń àizɛɛ pↄ́ ń vĩ píio.[a]
8 Ǹ aà kṹ gbã́ugbãu, a n kã́fĩ,
didiwà ↄplapla, a n kpɛla.
9 Aↄ dɛ fùa maa ũ n miwa,
àↄ dɛnɛ kíafua gawide ũ.
10 Ma nɛ́, swã́kpa ma yã́i,
yã́pi da, n wɛ̃ni aↄ gbã̀a.
11 Ma ↄ̃nↄ zɛ́ ↄ̀lↄnɛ,
ma n da yãmaa zɛ́wa.
12 Tó ńlɛ táa'ou, pↄe a kpanɛo,
tó ńlɛ bàalɛu, ńyↄ̃ gɛ̃nalɛo.
13 Ǹyↄ̃ ma lɛdama kũa, ńsu gbaɛo,
didiwà gbãa, asa ↄ̃mɛ n wɛ̃ni ũ.
14 Ńsu vãikɛnaↄ zɛ́ sɛo,
ńsu tɛ gbɛ̃vãiↄ zɛ́io.
15 Ɛ̃nɛ́, ńsu namáo,
kɛ̃́má, ǹ n gɛa kɛ.
16 Tó aai vãi e kɛ̀o, aali i'oo,
tó aai gbɛ̃́ e kàaũo, i lí gɛ̃ ń wɛ́uo.
17 Asa vãikɛa mɛ́ ń pↄblea ũ,
gbɛ̃́ↄ wɛtãa mɛ́ ń imia ũ.
18 Gbɛ̃maaↄ zɛ́ dɛ lán gudↄlɛiawa,
a gupua ìↄ dɛdɛ lán ĩatɛ̃ dɛdɛawa.
19 Vãikɛnaↄ zɛ́ dɛ lán gusia níiniiwa,[b]
aali pↄ́ pↄ́ tò wàlɛ gɛ̃nalɛ dↄ̃o.
20 Ma nɛ́, laaidↄ yã́piↄwa,
swã́sɛ ma yã'onɛi.
21 Ńsu kpá swã́ao,
ǹyↄ̃ kũa n sↄ̃u.
22 Asa a dɛ wɛ̃ni ũ gbɛ̃́ pↄ́ le kũ̀ↄnɛ,
a dɛ mɛ̀ bṹu aafia ũ.
23 Azaiasa laaidↄ n sↄ̃ yã́wa,
asa wɛ̃ni zĩ́na bↄ̀ sↄ̃ kĩ́iɛ.
24 Bↄ yãbɛ̃ɛ'oau,
mikɛ̃ yãkpaanla'oawa.
25 Wɛdↄ n aɛ,
gugwa n kuu súsu.
26 Zɛ́ sɛ́ súsu,
n yãkɛaↄ píi a bↄ maa.[c]
27 Ńsu yɛɛlɛ ↄplaai ge zɛɛio,