53
1 Démɛ bao pↄ́ wá mà sìi?[a]
Démɛ Dii gbãa asiipi dↄ̃̀i?[b]
2 Aà zↄ̀blena fɛ̀lɛ aà aɛ lán lí vlãpaawa,
lán lizĩna pↄ́ fù tↄↄlɛ giiu à bↄlↄbↄ̀wa.
Aà kákaa ge aà zɛa maa i ka à gbɛ̃́ wɛ́ bleo,
aà kɛfɛnkɛ i ka wà wɛ́tɛaàzio.
3 Wà sakàaàgu wà bã̀nɛbↄ̀ɛ̀.
Pↄsiadeɛ, a gyãeↄ dↄ́ɛ dↄ̃,
a dɛ lán gbɛ̃́ pↄ́ wa ye wɛsiɛowa.
Wa sakàaàgu, wi aà yãdao.
4 Kási wá gyãↄ ↄ̃ a sɛa,
à wá wãwãↄ dì a miwa.[c]
Ɔ̃ wa aà dìlɛ gbɛ̃́ pↄ́ Lua aà gbɛ̃̀ ũ,
gbɛ̃́ pↄ́ Lua ↄkↄlↄmpàɛ̀ à widàwà ũ.
5 Wà aà zↄ̃̀ wá tàaeↄ yã́i,
wà aà kɛ̀'ĩa wá yãvãiↄ yã́i.
Ĩa pↄ́ wa dàwàpi wá gbá aafia,
aà flàala iaↄ mɛ́ wá gbãgbã.
6 Wa sãsã wápii lán sãↄwa,[d]
baade azĩa zɛ́ sɛ̀,
ↄ̃ Dii wápii vãikɛa dìɛ̀.
7 Wà aà wɛtã̀ wà widàwà,
ↄ̃ i lɛwɛ̃aao lán sã pↄ́ wàlɛ gɛ́ a kòlokpaiwa,[e]
a nílɛ kpɛ̃́ lán sã pↄ́ wàlɛ a kãkɛ̃ɛlɛwa.[f]
8 Wà aà kũ̀ ń gbãao,
wà yã́kpalɛkɛ̀aànↄ.
Wà aà bↄ̀ dṹniau ma gbɛ̃́ↄ tàae yã́i,
wà aà dɛ̀ an gbɛ̃go pↄ́ lɛ́ ń dã́ ũ.
Gbɛ̃́ pↄ́ kú aà gↄↄↄ,
an démɛ yã́pi làasookɛ̀i? [g]
9 Baa kɛ́ i yãpãsĩkɛo,
mɛ́ wi ma à ɛɛtòo,[h]
wà aà mia kpàkↄ̃i ń dàakɛnaↄ,[i]
ↄ̃ wà aà vĩ̀ ↄde miau.[j]
10 À kà Diigu à aà kɛ'ĩa aà taasikɛ.[k]
Lá à azĩa kɛ̀ tàae awakpabↄ ũ,
a buikɛ, aà wɛ̃ni a gbã̀akũ,
Dii pↄeã i bↄↄlɛkɛ aà sabai.
11 Aà taasikɛa gbɛa a ɛa àↄ wɛ̃ni vĩ,
i a namable.
Ma zↄ̀blen maapi a to yã́ bↄ ń gbɛ̃́ↄ na dasi,
kɛ́ aa aà dↄ̃ yã́i,
asa a ń yãvãi di a miwa.
12 A yã́i má aà baa daaa ń gbɛ̃zↄ̃ↄↄ,
a zĩ̀ ài kpaalɛ ń gbãadeↄ,
asa à gì a wɛ̃nii e à gɛ̀ gàò,
wà aà gwà doũ ń dàakɛnaↄ.[l]
À gbɛ̃ dasiↄ duuna sɛ̀,[m]