1 དཔག་ཏུ་མེད་པའི་ནོར་ལས་མཚན་སྙན༌ལེགས། །གསེར་དང་དངུལ་ལས་བྱམས་སེམས་མཆོག་ཏུ༌གྱུར།། 2 འཇིག་རྟེན་འདི་རུ་དབུལ་ཕྱུག་གཉིས་ཀ༌འཛོམས། །དེ་དག་ཀུན་གྱི་མཛད་པོ་ཡ་ཝཱེ༌ལགས།། 3 གྲུང་པོས་བར་ཆད་མཐོང་ནས་ཡིབ་པར༌བྱེད། །བླུན་པོ་མུ་མཐུད་སྐྱོད་ཅིང་སྡུག་བསྔལ༌མྱོང༌།། 4 ཁེངས་སྐྱུང་དང་ནི་ཡ་ཝཱེར་འཇིགས་པ༌ལ། །རྒྱུ་ནོར་བཀུར་སྟི་སྲོག་བཅས་རྔན་པ༌ཡོད།། 5 ཁྲམ་པའི་ལམ་དུ་ཚེར་མ་རྙི་རྒྱས༌གང༌། །རང་སེམས་སྲུང་པ་དེ་དང་རིང་དུ༌གྱེས།། 6 བུ་ཆུང་སྤྱོད་ལམ་དྲང་པོར་ཁྲིད་ན༌ནི། །ལོ་ན་རྒས་ཀྱང་དེ་དང་འབྲལ་མི༌འགྱུར།། 7 ཕྱུག་པོས་དབུལ་པོར་དབང་སྒྱུར་བྱེད་པ༌དང༌། །སྐྱི་མཁན་བུན་བདག་རྣམས་ཀྱི་བྲན་པོ༌ཡིན།། 8 མི་རུང་འདེབས་པས་ཉོན་མོངས་བསྡུ་བར༌འགྱུར། །དེ་ཡི་ཁོང་ཁྲོའི་དབྱུག་པ་བརླག་ངེས༌ཡིན།། 9 གཏོང་ཕོད་ཆེ་བའི་མི་ལ་བདེ་བ༌ཐོབ། །རང་གི་ཁ་ཟས་དབུལ་པོར་སྦྱིན་པས༌སོ།། 10 འཕྱ་སྨོད་མཁན་རྣམས་སྐྲོད་དང་འཁྲུག་པ༌ཞི། །རྩོད་གླེང་ངོ་ཚ་ཡང་ནི་ཆད་པར༌འགྱུར།། 11 དྭངས་གཙང་སེམས་ལ་དགའ་ཞིང་གཏམ་སྙན་སྨྲ་མཁན༌ལ། །རྒྱལ་པོ་ཡང་ནི་དེ་ཡི་མཛའ་བོར་འགྱུར་བ༌འོ།། 12 ཡ་ཝཱེའི་སྤྱན་གྱིས་ཤེས་ཡོན་བསྲུང་ན༌ཡང༌། །གདུག་རྩུབ་ཅན་གྱི་སྨྲ་བརྗོད་རྩ་མེད༌གཏོང༌།། 13 ལེ་ལོ་ཅན་གྱིས་ཕྱི་རུ་སེང་གེ༌འདུག །དེ་ཡིས་བདག་ནི་སྲང་དུ་གསོད་ཅེས༌སྨྲ།། 14 བྱི་མོའི་སྨྲ་སྒོ་གཏིང་ཟབ་དོང་རིང༌ཡིན། །ཡ་ཝཱེ་སྡང་བའི་མི་ནི་དེ་རུ་ལྟུང༌།། 15 བྱིས་པའི་སེམས་ནི་རྨོངས་པས་བཅིངས་མོད༌ཀྱང༌། །གཅུན་བྱེད་དབྱུག་པས་དེ་ནི་རྒྱང་དུ༌འཕེན།། 16 རང་ནོར་སྤེལ་དུ་དབུལ་པོར་བརྙས་མཁན༌དང༌། །ཕྱུག་པོར་ཕྱག་རྟེན་འབུལ་བ་ཕོངས་པར༌འགྱུར།།