3
Nachle'n Kataj tan jakle'n ẍch'eybil ketz
1 ¡Ay Ta'!
Quin tech nin incontr yi na chi'ch chic'u'l swe'j.
Quin tech nin e' yi ja je' chimolol quib tan contri'n swe'j.
2 Quin tech nin e' na cyal squibil quib: “Qui't tz'oc Ryos tan ẍch'eye'n.”
3 Ma ilu' Ta', ilu' colol wetz.
At ninu'-tz tan incolche'n, na ilu' ak'ol ink'ej, nin ilu' quiwsanl wetz.
4 Sajle'n tunintz, ja el intzi' tetz Wajcaw, nin ilenin ja stza'wej i' yi intzi' inkul.
Nin ilenin cho'n na saj ẍch'eybil wetz wi Sión, kale najle't i', yi ama'l yi wi'nin xanil.
5 Yi na chincoye' cu'n, jalcu'n na saj inwatl.
Yi na ul skil, ba'n cuntu' na chinc'as, na at Wajcaw tan inq'uicy'le'n.
6 Qui na chinxob scyetz yi jun c'oloj incontr, yi ja wi't baj chisutal yi ama'l kale atine't.
Na yi cyajbil i'tz tan imbiyle'n, poro qui na chinxob scyetz.
7 Ta', chin ẍch'eyaju', chin cole'u'.
Na ntin ilu' mmo'c k'abu' tan stzek'le'n xak chitzi' yi e' mal naka'tz.
Chin k'uchi'n cunin na saj yi cye' tanu' Ta'.
8 Na ntin ilu' Ta' na xcye'u' tan kacolche'n.